Homazhet/ Berisha: Margarita Xhepa do mbetet e gjallë në memorien e artit dhe kulturës shqiptare

Kryetari i Partisë Demokratike, Sali Berisha ka kryer homazhe në nder të aktores së madhe shqiptare, Margarita Xhepa.

Në mesazhin e tij për mediat, Berisha u shpreh se, aktorja Margarita Xhepa do të mbetet e gjallë në memorien e artit dhe kulturës shqiptare.

Prononcimi i kryetarit të PD, Sali Berisha:

Nderimin më të thellë, por edhe mirënjohjen më të pakufishme për kontributin e jashtëzakonshëm të Margarita Xhepës në 7 dekada, sa askush tjetër, në skenën dhe filmin shqiptar.

Ajo nuk është më, por do mbetet përjetë e gjallë në memorien e tyre që ndoqën me aq admirim interpretimet e saj.

Do mbetet e gjallë në memorien e artit dhe kulturës shqiptare.