Këshilli Kombëtar

Këshilli Kombëtar i Partisë Demokratike u votëbesua në Kuvendin Kombëtar të 30 prillit 2022.

Këshilli Kombëtar, në përputhje me programin, Statutin dhe vendimet e Kuvendit Kombëtar, drejton veprimtarinë politike të Partisë në periudhën midis dy mbledhjeve të Kuvendit. Ai merr të gjitha vendimet e rëndësishme politike që mund të kërkojnë rrethanat dhe kur ato nuk janë parashikuar në këtë Statut si e drejtë vetëm e Kuvendit.

Këshilli Kombëtar përbëhet nga Kryetari i PPDSH-së dhe 150 anëtarë të zgjedhur me votim të fshehtë nga Kuvendi Kombëtar. Brënda këtij numri, janë anëtarë të Këshillit Kombëtar pa iu nënshtruar procesit të votimit, ish-Presidentët, ish-Kryeministrat, ish-Kryetarët e Kuvendit dhe
ish-Kryetarët e PDSH-së, që janë anëtarë të PDSH-së në momentin e mbledhjes së Këshillit Kombëtar. Kuvendi Kombëtar i zgjedh antarët e Këshillit Kombëtar me votim të fshehtë nga një listë e propozuar nga Kryetari i Partisë, pas miratimit në Kryesinë e Partisë.

Këshilli Kombëtar drejtohet nga Kryetari i Këshillit, i cili zgjidhet në mbledhjen e parë të konstituimit të Këshillit Kombëtar, mes të paktën dy kandidaturave alternative. Këshilli Kombëtar, si rregull, mblidhet jo më pak se dy herë në vit.

Këshilli Kombëtar, ushtron këto kompetenca:

a) vendos me votim të fshehtë për zgjedhjen me kandidatura alternative ose shkarkimin nga detyra të Sekretarit të Përgjithshëm; Nënkryetarëve të Partisë; Anëtarëve të zgjedhur të Kryesisë së PDSH-së; Sekretarëve funksionalë; Kryetarit dhe anëtarëve të Komisionit të Apelimit; si dhe
Kryetarit dhe anëtarëve të Bordit Financiar të Partisë.
b) miraton listën përfundimtare të kandidaturave elektorale sipas propozimit të Kryesisë së PDSH-së;
ç) miraton strategjitë dhe programin elektoral e politik të PDSH-së;
d) miraton koalicionet para apo pas zgjedhore;
dh) vendos masat disiplinore për anëtarët e Këshillit Kombëtar apo Kryesisë së PDSH-së;
e) miraton Rregulloren e Brendëshme të PDSH-së sipas e propozimit nga Sekretariati dhe Kryesia e PDSH.

Më poshtë mund të gjeni të plotë listën e anëtarëve të Këshillit Kombëtar: