‘Berisha njësoj si Donald Trump’/Philip Griffin: Nëse në 11 maj, votoni për Dr. Berishën, ju premtoj vetëm fitore

Përshëndetje, Durrës! Ju sjell përshëndetje nga Amerika. Amerika interesohet shumë për Shqipërinë dhe sidomos për zgjedhjet që do të zhvillohen këtë të diel, më 11 maj. Shqipëria ndodhet në një udhëkryq. Historia do të shkruajë se kush bëri çfarë gjatë këtyre zgjedhjeve. Tani, ne bëmë pak histori në Amerikë në nëntor të vitit të kaluar. Ndoshta ke dëgjuar diçka për këtë. Socialistët në Amerikë përdorën sistemin ligjor për të përpjekur të shkatërrojnë Donald Trump. Por Donald Trump dhe populli amerikan nuk i lanë ta bëjnë këtë. Ne u kundërpërgjigjëm. Kam dëgjuar se socialistët këtu në Shqipëri po përpiqen të përdorin të njëjtat truke. Por nuk do të kenë sukses as këtu. Dr. Berisha nuk do të ndalet së luftuari për ta marrë Shqipërinë nga politikanët e korruptuar dhe trafikantët e drogës. Unë merrem me politikë prej 40 vitesh, nuk kam parë kurrë dikë që punon aq shumë sa Dr. Berisha. Por ai nuk mund ta bëjë këtë i vetëm. Tani është koha që të gjithë ju të bëni pjesën tuaj dhe të ndihmoni Dr. Berishën të fitojë. E kam fjalën për ditën e zgjedhjeve. Ditën e zgjedhjeve duhet të shkoni të votoni dhe të merrni me vete familjen tuaj, miqtë, fqinjët, këdo që njihni, për të votuar për Dr. Berishën. Dhe nëse e bëni këtë, dhe nëse e bëjmë të gjithë këtë, ju premtoj: fitore, fitore, fitore!