PRONONCIM PËR MEDIA I KRYETARIT TË PD, SALI BERISHA NË CEREMONINË E 2 PRILLIT, SHKODËR
EKSTRAKT
Gjatë një prononcimi për media pas përfundimit të ceremonisë së 4 martitëve të 2 Prillit në Shkodër, Kryetari i Partisë Demokratike, Prof. Dr. Sali u shpreh për media se Shkodra ka një histori të gjatë të qëndresës kundër diktaturave dhe se qytetarët e saj do të mësojnë së shpejti çfarë përfaqëson Beci i Dobraçit, duke shtuar se ai është një person i dyshimtë dhe i papërshtatshëm për postin që mban.
Lideri opozitar, Sali Berisha përgëzoi z.Bardh Spahia, për veprimin e tij në zbatimin e ligjit dhe mbrojtjen e integritetit të administratës. Sipas Berishës, Spahia është i pafajshëm dhe i ka bërë nder qytetarëve të Shkodrës.
Kryetari i PD, Sali Berisha përmendi gjithashtu një dosje të rëndë që e mbajnë peng për Benet Becin, duke e akuzuar kryeministrin Rama për manipulim dhe mbajtje peng të tij. Berisha shprehet se është kundër politikës së pengjeve.
PRONONCIMI I PLOTË
Shkodra ka ditur të triumfojë gjithmonë mbi diktatorët dhe diktaturat.
Kësaj here, Shkodra do u japë leksionin më të merituar atyre që menduan se mund ta nëpërkëmbin.
Shkodra është bastion i përjetshëm i vlerave të konservatorizmit, i besimit tek Zoti, tek familja, tek atdheu.
Këtu këto vlera nuk kanë vdekur kurrë dhe nuk vdesin kurrë.
Këto janë vlerat themelore të lirisë, këto janë vlerat themelore të konservatorizmit.
Shkodra është djepi i tyre.
Zoti Spahia na nderon në Shkodër.
Dhe shpejt qytetarët e Shkodrës do marrin vesh se kush është ai që i qeveris aty, se çfarë përfaqëson bashkiaku i Dobraçit.
Do e mësojnë shumë shpejt.
U jap fjalën se qytetarët e Shkodrës do mësojnë shumë shpejt se ç’përfaqëson Beci i Dobraçit.
Kurse Bardh Spahia shkon në SPAK se ka zbatuar ligjin, ka mbrojtur kodin e një zyrtari, i cili nuk mund të pranojë delinkuentë në administratë.
Pra, ai proces na bën nder të gjithëve ne dhe i bën nder Shkodrës dhe çdo qytetari.
Tani, e vërteta është që ka një dosje tmerrësisht të rëndë për Benet Becin, me të cilën e mban peng Edi Rama.
Por ne jemi kundër politikës së pengjeve.
