FJALA E KRYETARIT TË PD, SALI BERISHA NË KONFERENCËN ME GAZETARËT
EKSTRAKT
Kryetari i Partisë Demokratike, Prof. Dr. Sali Berisha, gjatë konferencës me gazetarët ditën e sotme deklaroi se protesta kombëtare e zhvilluar dje në Tiranë ishte “protesta e ndërgjegjes”, ku qindra mijëra qytetarë nga e gjithë Shqipëria triumfuan në rrugë dhe sheshe për më shumë se tre orë, duke u përballur me dhunën e regjimit.
Sipas Berishës, protesta nuk kishte lidhje me institucione apo ndërtesa, por ishte një revoltë kundër korrupsionit, vjedhjeve masive të pasurisë publike, lidhjeve të qeverisë me krimin e organizuar dhe farsës elektorale. Ai theksoi se qytetarët u bënë zëri i ndërgjegjes kombëtare dhe se beteja nuk është për individë apo parti, por për dinjitetin njerëzor dhe interesin kombëtar.
Lideri demokrat, Sali Berisha nënvizoi se protesta u dominua nga të rinjtë, të cilët i cilësoi si shpresën dhe forcën që do ta përmbysë këtë organizatë kriminale në pushtet. Ai denoncoi dhunën e ushtruar nga policia, përfshirë përdorimin e gazit lotsjellës të skaduar, topave të ujit, dhunën fizike ndaj protestuesve paqësorë, arrestimet arbitrare dhe ndalimin e një fëmije 10-vjeçar, duke i cilësuar këto si shkelje të rënda të konventave ndërkombëtare.
Kryetari i PD-së deklaroi se dhjetëra të rinj janë ndaluar pa asnjë shkelje ligjore dhe hodhi poshtë pretendimet për policë të plagosur, duke theksuar se në spitalet e Tiranës nuk është paraqitur asnjë efektiv. Ai paralajmëroi se qeveria dhe kryeministri Edi Rama do të mbajnë përgjegjësi personale për dhunën ndaj protestuesve.
Berisha njoftoi se opozita do të vijojë me protesta të tjera, duke e cilësuar këtë fazë si “kilometrin e fundit”, dhe theksoi se asnjë mjet represiv nuk do të ndalë revoltën popullore. Ai shtoi se përdorimi i gazit të skaduar do të denoncohet në institucionet kombëtare dhe ndërkombëtare.
FJALA E PLOTË
Mirëdita!
Të dashur qytetarë dhe qytetare. Dje për tre orë kryengritësit guximtarë morën në dorë Tiranën, bulevardin, sheshet e saj.
Në një protestë të fuqishme qindra mijëra qytetarë nga Tirana dhe mbarë Shqipëria u përballën me guxim të jashtëzakonshëm për më shumë se tre orë me fallangat e krimit të narkoregjimit Edi Ramës.
Nderim të madh të gjithë atyre qytetarëve djemve, vajzave, burrave dhe grave, të moshuar, që nga Tirana dhe mbarë Shqipëria protestuan në mënyrën më të vendosur kundër rilindjes kalbësirë, kundër organizatës kriminale të Edi Ramës.
Protesta e tyre nuk kishte lidhje me ndërtesat, as dhe institucionet kushtetuese. Protesta, revolta, zemërimi i qytetarëve shqiptarë dje dhe që zjen sot në të katër anët e vendit dhe në diasporë, ka lidhje vetëm me Ramaduron, vjedhjet e tij qindra milionëshe e miliarda euro, lidhjet e tij me krimin e organizuar, kartelët e drogës.
Lidhet me Lubi Ballukun, Lindat e Ramës, ajo e AKSHIT dhe e Surrelit, Ergys Agasin dhe qeveritarët e tjerë hajdutë.
Dje regjimi u trondit nga themelet. Dje qytetarët triumfuan në rrugë dhe sheshet e Tiranës. U bënë zëri i ndërgjegjes se njerëzve të ndershëm, të cilët nuk pajtohen kurrë me një qeveri me lidhje të tmerrshme me drogën dhe krimin.
Nuk pajtohen kurrë me një qeveri që nuk del nga vullneti i tyre, por nga farsa elektorale. Nuk pajtohen kurrë me një qeveri që vjedh 97% të taksave të tyre dhe të çmendurisht të gjitha pasuritë publike.
Dje ata ishin pra vetë ndërgjegja e kombit në betejë. Ata u përcollën mesazh çdo shqiptari se nuk po luftojmë për veten tonë, se nuk po luftojmë për Sali Berishën, se nuk po luftojmë për Partinë Demokratike, as dhe parti të tjera, se po luftojmë për ndërgjegjen e njeriut, për dinjitetin njerëzor, për interesin kombëtar.
Po luftojmë dhe për ju që po na ndiqni në televizione, po luftojmë dhe për ju që mund të mos u pëlqejë protesta. Në fakt, po luftojmë dhe do luftojmë për çdo shqiptar. Kjo është veçantia e kësaj proteste.
Kjo është protesta e ndërgjegjes dhe nuk ka asgjë më të fuqishme, nuk ka asgjë më të pathyeshme, nuk ka asgjë më të pamposhtur se sa ajo që buron nga ndërgjegja e njeriut.
E vërteta, protesta pati një risi jashtëzakonisht të rëndësishme dhe themelore. Ajo u dominua nga rinia, nga të rinjtë, adoleshentët.
U dominua pra nga guximi, energjia dhe vendosmëria e të rinjve.
Një ogur i bardhë shumë ky për shqiptarët. Një shpresë e vërtetë, se do jenë të rinjtë dhe gjenerata e tyre, ata të cilët do të përmbysin, do të largojnë nga pushteti këtë organizatë kriminale.
Dje, narkopolicia me urdhër të Edi Ramës, e komanduar nga Proda i krimit, Proda i Gys Agasit edhe Suel Çelës, përdori dhunë të egër ndaj protestuesve.
Goditi me të gjitha mjetet, përdori gaz lotsjellës të skaduar, i cili në konventa ndërkombëtare përbën helm luftarak dhe s’mund të përdoret kurrë ndaj protestave.
Gazi lotsjellës ishte i skaduar prej tre vitesh. Dhe ai pas skadimit është e njohur se transformohet në helme të tjera të cilat japin dëmtime të rënda sistemeve, por mund të shkaktojnë dhe humbjen e pamjeve. U përdorën topat e ujit dhe mjete të tjera.
U goditën me shkopi protestues paqësorë dhe u arrestuan, u ndaluan brutalisht në akte të që cilësohen në krime kundër njerëzimit.
Fëmijë 10 vjeç tek dilte nga xhamia, 10 vjeçar, Romeo dhe s’kishte asnjë lidhje me protestën. Ai kishte ardhur me detyra të ngarkuara nga familjarët e tij. Dhe e morën në mënyrën më të turpshme, më kriminale.
Do të ushtojnë kohë të gjatë lutjet e tij ndaj atyre banditëve pesë burra që e tërhiqnin zvarrë një fëmijë 10 vjeçar. E çuan në komisariat. Shkelën konventat ndërkombëtare.
Fytyra e vërtetë e Edi Ramës, i cili edhe kur të jetë puna për karrigen e tij, nuk ndalet as për krime para fëmijëve.
Akte kriminale ndaj fëmijëve.
Po kështu, agresuan qytetarë që s’kishin lidhje me protestën.
Agresuan, arrestuan qytetarë që nuk ishin fare në protestë. U sollën egërsisht dhe në mënyrë të padenjë ndaj deputetëve.
Agresuan disa deputetë, Luçiano Boçin, nënkryetarin e partisë, Xhelal Mziun, Besart Xhaferrin.
Agresuan si të droguar. Akte këto vetëm të njerëzve në panik të tmerrshëm. Të njerëzve pa shpresë. Përpjekje për të mbuluar krimet e, krimet monstruoze të Edi Ramës, Belinda Ballukut, Lindës së AKSHIT dhe Lindës së Surrelit, e Gys Agasit e të tjerë.
Të dashur qytetarë dhe qytetare, mbrëmë, fallangat e krimit shoqëruan dhe arrestuan në komisariatin e policisë guximtarët:
Ervis Kurta, Ervis Mirashi, Ardian Toli, Sali Saraçi, Besnik Bali, Leonard Xhemalxhiu, Rei Hasku, Alket Toska, Edison Huli, Blendi Spaho, Elton Hoti, Romi Bizhoti, Hamza Cani, Tomas Koja, Ardian Lici, Anduel Lleshi, Anastas Memo, Alen Liko, Klodian Bajrami, Ervis Visha, Rexhep Tarja, Noel Masha.
Në komisariatin numër 2 u arrestuan: Besnik Bali, Leonard Xhebaxhiu, Roni Bizhoti, Elton Hoti, Hamza Cani dhe u lirua një qytetar.
Në komisariatin 6, Blendi Spaho, Skënder Toska, Edison Huli, Ardian Toli, Sokol Gjoni, Elson Mirashi, Kanto Toli dhe të shoqëruar të tre këta.
Pra, siç e shihni, dhjetëra, mbi 27 të rinj, të cilët nuk kanë kryer në mënyrë absolute asnjë shkelje ligjore, përveçse kanë shprehur zemërimin e tyre ndaj Edi Ramës, Lubi Balluku, Lindës së AKSHIT, Lindës së Surrelit, Ergys Agasit dhe bandës së tyre.
Ata të gjithë sot janë në komisariat dhe me urdhër të Edi Ramës vazhdon fushata e arrestimeve të qytetarëve. Dënoj me forcën më të madhe këtë terror kriminal ndaj protestuesve.
Dënoj keqtrajtimin që iu bë dhe një qytetareje, e cila banonte në shtëpinë e fëmijës dhe që absolutisht s’kishte asnjë lidhje me asnjë akt, me asnjë akt të çfarëdolloji. E goditën. Për të ilustruar dhunën kriminale ndaj të rinjve dhe ndaj fëmijëve, Ilirian Tela apo Agasi apo banditi në krye të policisë, mashtroi shqiptarët, tha u plagosën 12 policë. Partia Demokratike menjëherë mori kontakt me të gjitha qendrat spitalore të Tiranës dhe nuk rezulton në këto qendra të jetë paraqitur qoftë dhe një polic i vetëm i plagosur.
Po, ato kanë marrë qytetarin nga Berati, nga shtrati i spital në komisariat. Në një akt brutal dhe kriminal. Por policë të plagosur për spitalet e Tiranës nuk ka patur qoftë dhe një të vetëm. E garantoj Edi Ramën se personalisht do bëhet përgjegjës për dhunën që u ushtrua ndaj kryengritësve paqësorë.
Dhe se çdo akt dhune ndaj guximtarëve do marrë ndëshkimin e merituar. Por një gjë duhet ta pranoj. Shkëlqeu, shkëlqeu siç meriton, guximi i të rinjve. Ishin ata që ishin ata që i dhanë të gjithë epikën asaj kryengritje.
Gazetarët i panë se si në dhjetëra, dhjetëra raste, ata por dhe qytetarët e tjerë kapën kanistrat e gazit dhe ja u kthyen banditëve me uniformë, nga i kishin nisur. Pra protesta protesta për herë të parë nxorri në pah dhe një shkallë të lartë përgatitje dhe vendosmërie nga ana e protestuesve.
Antigaz.
E vërteta që policë të kalamendur pati nga gazi. Po ishte gazi i tyre, jo i protestuesve. Nuk i plagosën protestuesit, i plagosën vetë ata. Se i gjuajtën protestuesit me gaz. I përgëzoj, i përgëzoj për aktin heroik të kapjes së gazeve dhe të hedhjes drejt atyre që i hodhën drejt narko-banditëve.
I siguroj falangat e krimit se protesta tjetra, kjo do jetë masive, masive, dhe se asnjë mjet i tyre nuk do mund të mposhtë revoltën e përgjithshme popullore.
Por me këtë rast u bëj thirrje policëve të ndershëm, familjarë, atdhetarë, por dhe demokratë në shpirt. Asnjë akt në mbrojtje të Edi Ramës. Edi Rama është i dënuari i popullit shqiptar, është armiku i kombit shqiptar.
Meriton ndëshkim, ndëshkim dhe vetëm ndëshkim, bashkë me suitën e tij. Mos u bëni mburojë e një të keqeje të tillë që s’e ka njohur Shqipëria në historinë e saj.
Ky është kilometri i fundit. Asgjë në botë nuk na ndalon ne pa arritur në finish fitimtar.
PYETJE-PËRGJIGJE
Marsi Korreshi, SYRI TV: Zoti Berisha, si do t’i përgjigjet Partia Demokratike gazit masiv lotsjellës që u hodh në protestë ashtu sikurse e cekët edhe ju pak më parë, me gaz të skaduar, pra tre vite të skaduar? A do të marrë Partia Demokratike veprime konkrete duke qenë se vetë ju deklaruat se ai mund të ketë pasoja të drejtpërdrejta në shëndetin e qytetarëve?
Sali Berisha: Do ta denoncojmë këtë akt si në institucionet ndërkombëtare, ashtu dhe brenda vendit. Është një shkelje flagrante, flagrante e konventave ndërkombëtare.
Por meqë jam këtu, do shtoj edhe dy fjalë. Edi Rama, Ramaduro, sot në mëngjes pas një nate plot makthe shkruante i vrenosur, i bërë zeher, i tmerruar, në përçartjen e tij në X, fliste për rrugaç lagjesh, për mercenarë, cilësonte të rinjtë guximtarë. Unë u them këtyre heronjve të vërtetë, se gjëja e parë që më erdhi ndërmend kur lexova ishte, ishin akuzat që diktatori i fundit komunist u bënte të rinjve të Tiranës kur i quante halabakë, rrugeçër në gjuhën e, në gjuhën që përdor sot Edi Rama.
Ndaj dhe i them kaq Edi Ramës, ata janë nderi i kombit, krenaria e popullit dhe qytetarëve shqiptarë dhe të garantoj se ata nuk e kanë për asgjë përballë një kryehajdut, një Ramaduro që mbrohet nga banda dhe krimi dhe fundi i tij i pashmangshëm, fundin e tij të pashmangshëm do ta firmosin të rinjtë dhe adoleshentët shqiptarë që ishin aq të shumtë, aq të shumtë dje në protestën që tronditi dheun.
Marsi Korreshi, SYRI TV: A do të ketë protesta të tjera të afërta opozita pas asaj të mbrëmshmes?
Sali Berisha: Pa dyshim që do ketë protesta, protesta dhe vetëm protesta. Ne jemi në kilometrin e fundit. Këtu ne të gjithë potencialin tonë, ne jemi mirënjohës pa fund përgjigjes qytetare.
Një thirrje kam për çdo qytetar, edhe një herë. Nuk është protestë kjo as për një person, as për një parti. Është protestë e ndërgjegjes qytetare, është protestë e ndërgjegjes kombëtare. Të bashkohemi sepse kur themi janë vjedhur 130 milionë euro në djegësin e Tiranës që nuk ekziston, kur themi janë vjedhur 50 milionë euro me një firmë në tunelin e Llogarasë, kur themi janë vjedhur 140 milionë euro me një firmë në aeroportin e Vlorës, kur themi po vidhen rreth 4 miliardë euro me portin e Durrësit, këto janë pasuri të çdo shqiptari dhe jo vetëm të opozitarëve që protestojnë.
Këto janë pasuri të fëmijëve të çdo shqiptari dhe jo vetëm të fëmijëve të opozitarëve që protestojnë. Ndaj dhe sot është koha më shumë se kurrë të tregojmë të bindur para ndërgjegjes sonë, të tregojmë se ne kurrë s’pajtohemi me këtë regjim. Por t’i tregojmë dhe botës, t’u tregojmë miqve tanë se kush jemi ne.
T’u tregojmë mbështetësve të Edi Ramës se sa gabim keni bërë duke mbështetur një padrino, një Ramaduro si ky. Ndaj dhe ju i patë përmasat e protestës dhe unë pres që ato të bëhen të papërmbajtshme dhe ju siguroj se do bëhen.
Thashë dhe një herë, tipari më kardinal dhe më i rëndësishëm ishte rinia në veprim. Ndaj dhe tmerri i Ramës që i quajti mercenarë, rrugaçër lagjesh, të rinjtë të ndershëm,, guximtarë, studentë, punëtorë, të papunë, por që kishin dalë për ndërgjegjen e tyre kundër tij. Faleminderit!
