FJALA E KREUT TË PD-së, SALI BERISHA NË KONFERENCË ME GAZETARËT
Parlamenti mbylli vitin në mënyrën më moniste.
Të gjitha pushtetet, përveç bashkisë së Shkodrës i shkojnë qeverisë, 999%. Në të gjitha kandidaturat që ishin në listë për tu votuar, gjykoj se kjo ishte lista më dinjitoze që është paraqitur ndonjëherë. Aty kishte përfaqësues të të përndjekurve politikë, si Besim Ndregjoni, i cili gëzonte mbështetje të gjerë të shtresës së tij dhe në deputetë.
Kandidaturë e përkushtuar ditë e natë për të drejtat e njeriut, ishte dhe veprimtari i të drejtave të njeriut, Altin Goxhaj. Ishin dhe përfaqësues të gjeneratës së re, juristë si Dorian Gjokmarkaj dhe Ilir Dervishi. Pra ishin një numër i konsiderueshëm dhe që të gjithë ata u hodhën poshtë për faktin e vetëm se Edi Rama nuk pranonte asnjërin prej tyre, perveç atë që donte.
Ajo që patë ju në këtë proces ishte, do të thosha unë, procesi më i turpshëm me të cilin Edi Rama, haptas kërkoi të pushtojë dhe të vetmin institucion që ai nuk e kontrollon. Në traditë të vendeve të tjera dhe këtij vendi, është respektuar parimi që Avokatin e Popullit ta emërojë opozita, ose të jetë një përfaqësues i shquar i rretheve që merren më të drejtat e njeriut, mundet në mënyrë të pavaruar të mbrojë ato, nga arbitrariteti shtetëror dhe qeveritar.
U fol për marrëveshje të fshehta, por të gjithë ata që patën iluzion Edi Rama përdori të njejtën skemë si në rastin e presidentit, që bëri sikur po ja linte opozitës zgjedhjen e presidentit, por në fakt u tall, dhe nxori lakminë e tij të pafundme për pushtet dhe emëroi njeriun që deshi.
Ky akt është dëshmi tjetër, se monizmi përmbyset vetëm me revolucion.
Çështja e dytë që unë dua të ju sjell në vëmendjen tuaj dhe të publikut, është raporti skap-djegës, inceneratorët.
Sot ka të dhëna që implikojnë direkt skapin e partisë si institucion që ushqehet në grazhdin e djegësave të qeverisë. Nuk ka gjë më të njëanshme, më komprometuese, se sa kryetarin e bashkisë së Fierit, përgjegjës direkt që janë bërë për inceneratorin e Fierit, për tokat, çmimet, ndryshimet e pozicioneve. E përjashtojnë nga akuzat dhe marrin në akuzë vartës të tij.
Kjo dëshmon se SKAP-i i partisë po zhgërryhet në grazhdin e qindra milionëve të inceneratorëve.
Për këtë flet akti absurd, qëndrimi kriminal i moskonfiskimit dhe bllokimit të sipërmarrjes më të korruptuar në historinë e vendit, që është sipërmarrja e djegësve. Skap nuk guxon, sepse siç duket ndan paratë me qeveritarët në këtë sipërmarrje. Nuk mund të ketë, nuk ndodh në historinë e botës që për një sipërmarrje të arrestohen me dhjetëra zyrtarë dhe sipërmarrja të marrë çdo javë 1 milionë euro. Kjo do të thotë se paratë e djegësve e kanë djegur mirë skapin e partisë.
Italiani që merr 300 mijë euro në ditë apo javë, nuk është asgjë tjetër veç një maskë e Edi Ramës, Engjëll Agaçit dhe Erion Veliajt. Skap është i implikuar në mënyrë direkte në këtë aferë dhe kjo provohet me mbajtjen të fshehur të faturave të njërit prej bosëve me qendror të aferës së inceneratorëve, faturat e Arben Ahmetaj, i cili Klodian Zoton për të cilin thotë se nuk e njoh, pavarësisht se ishte në makinë me të kur u përmbys makina dhe pretendon se truama në makinë ja humbi memorien dhe tani nuk i vjen më në memorie si i njohur Klodian Zoto.
Klodian Zoton ai e ka pasur menaxher të Hermes, Klodian Zoton e ka pasur menaxher të Hermesit, kompanisë me të cilën ai ka vjedhur 13 miliardë impulse nga Albtelekomi, një shumë prej 13 milionë eurosh.
Ky ka qenë menaxheri Klodian Zoto, të cilin trauma ia ka fshirë nga memoria. E kuptoni ju këtë tani.
Nëse ka një binom të pandarë, absolut në aferën e SKAP-it, është binomi Rama-Agaçi, Ahmetaj-Zoto, se të tilla janë veprimet e tyre. Të gjitha këto faktojnë se skap është droguar me paratë e djegësve vetë, ç’ka e bën të pashpresë përfundimisht procesin, një proces hetimi transparent.
I siguroj qytetarët se kjo çështje do jetë çështje madhore e revolucionit demokratik dhe drejtësisë pas triumfit të PD.
Por java kishte një ngjarje tjetër shumë të rëndë dhe të shëmtuar. Edi Rama dhe Erion Veliaj, në kundërshtim me vendimin e Kushtetueses, duke shkelmuar çdo parim, morën përsipër, besojnë se varrosën dosjen e teatrit.
Aktin më të shëmtuar dhe më antikombëtar që ka njohur vendi vitet e fundit.
Nuk është këtu sfida ndaj një grupi ndaj Aleancës për Mbrojtjen e Teatrit, që janë në vlerësimin tim, qytetarë më kurajozë, artistë më besnikë ndaj krijimit të tyre, profesionit të tyre, por edhe ndaj rendit kushtetues të vendit.
Akti i Ramës dhe Veliajt ishte një varrosje e kushtetutshmërisë së vendit. Në këtë kontekst, ishte një grusht për çdo qytetar shqiptar.
Unë u them atyre: se ai ndërtim nuk do pranohet kurrë dhe se përballja me regjimin do ketë një objektiv tjetër madhor, rivendosjen e Kushtetutës dhe rindërtimin e teatrit siç ka qenë në vendin ku ishte.
Të gjitha këto dëshmojnë se regjimi ka humbur çdo parim, moral dhe ligj. Revolucioni demokratik është i pashmangshëm. Është jetik për shpëtimin e Shqipërisë.
PYETJE – PËRGJIGJE
A2 CNN: Z. Berisha, sa i përket çështjes së teatrit, pse PD nuk bëri tentative për ta ndaluar realizimin e atij që sipas jush pas secilit nuk do të ndërtohet vetëm një teatër. Çfarë nënkuptoni ju se ai projekt nuk do të pranohet nga PD. Do të prishet?
Berisha: Do rrafshohet. Do bëhet gjithçka që të mos ndërtohet, por edhe do të rrafshohet, nuk ka diskutim. Ata ta ndërtojnë ku të duan tjetër. Aty do të ndërtohet teatri siç ka qenë, kjo nuk ka diskutim. Ai do të rrafshohet. Do bëhet gjithçka për ta penguar. Duhet ta ndërtojnë dikur tjetër. Të ketë dy apo tri tëatro është punë tjetër.
Ndërkohë pak minuta më parë ka qenë Sekretari i Përgjithshëm i PS, Damian Gjiknuri, i cili ka deklaruar se PS nuk zbret nën 40 bashki. Pra ka bërë një përllogaritje. Po PD, ka bërë llogaritje sesi do të shkojë?
Berisha: Krimineli elektoral, Damian Gjiknuri do të përballet me ligjin, gjykatën dhe burgun për dhunimin që u ka bërë zgjedhjeve. Rivendosja e votës së lirë është një nga objektivat më madhore të revolucionit demokratik.
Euronews: Ju mbajtët tone mjaft kritike ndaj SPAK-ut në lidhje me dsa dosje, veçanërisht me atë të inceneratorëve. Këto kritika dhe tone mjaft të ashpra ndaj SPAK-ut, janë edhe po të njëjta për sa ka ndryshuar drejtimi i këtij institucioni dhe nuk u zgjodh një emër të cilit ju e deklaruat konferencën e shkuar që sponsorizohej nga Rama, por u zgjodh një tjetër drejtues.
Berisha: Tani, unë konferencën e shkuar denoncova betejën e hapur që u zhvillua mes kryeministrit edhe ambasadores Kim për kreun e SPAK, ç’ka e bëri këtë proces të denjë për realizmin fantastik të Garcia Marques-it, por në fund unë e mbylla, por që njëri quhet Taulant, tjetri quhet Damian, kur erdhi puna tek emrat. Sepse më pyeti dikush, ata janë si të më thuash mua, njëri quhet Taulant, tjetri quhet Damian nuk ka asnjë lloj, nuk ndryshon gjë aty. Ai është instrumenti i partisë. Tani siç është zhytur partia eksponente e saj në korrupsion, zhytet edhe seksioni i drejtësisë së saj SKAP-i. Se pse rastet që thashë unë, janë të vërteta. Të përjashtosh Subashin ti, që të gjitha firmat dalin nga bashkia për akuzën e Fierit. Të fshehësh dokumentat për Arben Ahmetin, të fshehësh dokumentat brenda SKAP-it, kjo tregon se aty vlojnë milionat e eurove të djegësave, se ndryshe nuk mund të bëhet ajo.
Gjatë fjalës suaj për çështjen e avokatit të popullit, ju përmendët disa emra që i cilësuat përfaqësues të opinioneve, dhe shtresave të ndryshme dhe thatë: Asnjëri nga këta nuk u pëlqye sepse nuk ishte i përzgjedhuri dhe i preferuari i Ramës. Kush ishte i preferuari i Ramës në atë listë.
Berisha: Atë unë nuk mund të them, por e sigurt që gjersa skontoi edhe ata. Se aty siç mund të kuptohet një lloj marrëveshje fillestare ekzistonte. Siç bëri me Presidentin, ky përdori skemën e Presidentit. Akoatin e popullit do t’ua lë juve. Mirëpo këtu skema e zgjedhjes së avokatit ishte me mbkedhje firmash nga deputetët, dhe ia dolën të mbledhin firma. NJë numër të madh. Në këta kishte shumë kanditatura dinjtoze, për mendimin tim, por nuk i pëlqenin Ramës. Nuk plotësosnin kriteret e Ramës. Atëherë, ai deklaroi në fund që nuk votoi as atë Brahon, Altin Goxhajn, jo e jo, e të tjerë me radhë. Kështu që, ai dëshmoi, që përderisa nuk është kandidatura e tij, ai nuk do të votonte. Pra, do kandidaturën e tij, por që t’ja servirë Opozita. Kjo është gjithçka. Nuk mund të ndodhë.
ABC News: Z. Berisha, do t’i referohem edhe njëherë seancës së djeshme. Seanca e djeshme për Opozitën, është një fitore, apo është një humbje, pasi Ardjan Dvorani nuk u zgjodh gjyqtar në Gjykatë Kushtetuese, por as Avokat i Popullit?
Berisha: Ardjan Dvorani nuk mbeti pa u zgjedhur pse kundërshtoi Opozita. Opozita nuk e votoi sigurisht. Siç e patë ju, Ardjan Dvoranin e votuan vetëm vetëm 18 deputetë mos gaboj. 14 nga mazhoranca.
Pse? Ardjan Dvorani, unë e thashë dhe ne do ta bëjmë çështje atë. Ai është simbol i korrupsionit. Është turp në historinë e drejtësisë. Por të garantoj që edhe Vali Bizhgën, po ta kshin prurë për ta votuar në Parlament, Edi Rama do ta rrëzonte, se tani ai sheh spunin në çdo përson. E ka kapur spiuno-fobia. E ka kapur spiuno-fobia dhe nuk ka asnjë shkak tjetër përveç spiuno-fobisë së Edi Ramës që Dvorani nga ajo mazhorancë të merrte gjithsej 14 vota. Do votohej i pari, dhe ky nqs merrte votat që i kishte premtuar Rama, dhe i kishte marrë me këtë. Nqs ky nuk zgjidhej do të dilte Semini, dhe dhe kishte fituar pikë më shumë. Ky doli i poshtëruar, me 14 vota. Pse e futën këtë? Unë nuk kam sentimente me të. Por fakti që ai u fut i pari, me shpresën që është bërë një marrëveshje me Bashën, që do votohej Dvorani, dhe Dvorani nga deputetët e Ramës merr 14 vota, dëshmon se Rama është i sëmurë rëndë nga spiuno-fobia. Viktima tjetër, mbajeni mend këtu do jetë Vali Bizhga. Merr Helidon Bendon. I mbyll dyert në mënyrën më antiligjore, më antikushtetuese. Kreu i Shërbimit Informativ emërohet nga presidenti. Ky e çoi vetë në shkollë, tani që është kthyer, e lë sikur nuk ka qenë ndonjëherë në shërbim. Ky është i sëmurë rëndë nga spiuno-fobia.
News24: Z. Berisha, në fakt nqs i referohemi edhe fjalës suaj ditën e sotme, përsëri gjetëm fjalën revolucion në më shumë se njëherë. Nëso do t’i referohemi fjalorit të gjuhës shqipe z. Berisha, revolucion është përmbysja me dhunë e një rendi shoqëror, politik dhe ekonomik, që i ka kaluar koha, dhe vendosja e një rendi të ri shoqëror. Pra. z. Berisha, do të përdorni revolucionin për zgjedhjet per të mundur z.Rama, sepse të dyja nuk shkojnë. Ose është revolucioni përmbysja me dhunë, ose zgjedhjet me votë të lirë.
Berisha: Në vitin 1990-91, ne përdorëm revolucionin paqësor, edhe pastaj votën për të përmbysur sistemin. Është e njëjta formë. Revolucioni paqësor, dhe vota. Ne në pushtet pa votë nuk vijmë. Jemi të vendosur, që të shkojë ai të bëjë çtë dojë, ai është i përfunduar, por duhet që revolucioni t’ja shkërrmoqë themelet atij, ta përmbysë, dhe pastaj shqiptarët të votojnë të lirë.
Portali Timoni.al: Z. Berisha në procesin e zgjedhjes së Avokatit të Popullit keni patur ju një emër të preferuar që ia keni sugjeruar deputetëve që ta mbështesin, ose publikisht?
Berisha: Po kanë qenë disa aty që unë mund t’i votoja. Sigurisht, nuk mund të përjashtohej kandidatura e Besim Ndregjonit. Ajo ishte kandidaturë e mbështetur unanimisht nga shoqatat, dhe unë isha plotësisht në mbështetje të tij. Unë do të mbështesja pa rezerva kandidaturën e Altin Goxhajt. Një avokat që harxhon me qindra dhe qindra orë vullnetarisht, duke mbrojtur në gjyqe qytetarët që u dhunohen të drejtat e njeriut. Unë vlerësoj disa prej tyre. Por problemi është se aty, Edi Rama tregoi me intolerancë totale se nuk do të pranonte asnjë, do ta pranonte vetë kandidatin, kjo ishte e gjithë puna. Ajo zonja që është, është në fund të mandatit. Por ky s’pyet për mandat dhe asgjë tjetër.
Ka ndodhur një ngjarje që Kryeminsitri i Greqisë ka bërë një vizitë zyrtare në disa zona minoritare. Si e keni bërë këtë vizitë?
Berisha: Së pari, kryeministri i Greqisë, i një vendi partner, mik, mund të vizitojë çdo zonë të Shqipërisë, qoftë si zyrtar, qoftë si qytetar privat. Këtu duhet të jemi të çliruar nga çdo kompleks. Mund të vizitojë Himarën dhe çdo zonë tjetër. Por, zhurma se Himara është minoritet është absurditeti më i madh historik. Askush më shumë se himariotët nuk janë larë në gjak për identitetin e tyre kombëtar shqiptar. Himara ka një realitet të pamohueshëm, që një pjesë e fshatrave, janë bilinguale, flasin edhe shqip edhe greqisht. Qyteti, si çdo port, është i miksuar, shqiptarë kryesisht, por padiskutim edhe grekë, venecianë. Por këto, as gjuha, as mikstura, nuk e bëjnë Himarën gjë tjetër përveçse bastion i shqiptarizmit. Himara, e njohur në histori, së bashku me malësitë e Alpeve dhe Sulin, kanë pasur kodet dhe kanunet e tyre. Ajo çka mund të them unë është kjo: patrikana duhet të shpallë një ndjesë publike ndaj himariotëve se në fakt, në periudhën kur ata qëndronin ndaj Portës, patrikana flirtonte edhe në kurriz të tyre. Gjë që i detyroi ata t’i drejtohen Vatikanit dhe të bëjnë një modifikim në besimin e tyre, të mbeten ortodoksë të afërt me ritin katolik.
Pra, në këtë kontekst, kryeministri i Greqisë mund të vizitojë çdo zonë, por Himara me të gjithë historinë dhe dokumentet e saj është shqiptare, përfshi edhe ato fshatra që janë bilingualë. Flasin edhe shqip, edhe greqisht. Është problem këshilltarësh aty.
Do t’ju tregoj unë një histori me çështjen e këshilltarëve.
Unë kam patur miqësi me Presidentin e ndjrë të Greqisë, Stefanopulos, dhe po drekoja në një samit me të në Budapest. Duke biseduar për kotributet e ndërsjella, për përzierjet që kemi. Se përzjerje kemi, se nëse ka përzierje, shqiptarët kanë me grekët më shumë se me ndokënd tjetër. Të jemi realistë këtu. Dhe i them se Kapodistria është nga Gjirokastra, dhe i vëllai i tij quhej Ahmet. Sali, më tha, e ka ndërmend për shkak të emrit, por kam menduar se mund të ishte venecian. Jo, i thashë unë, është gjirokastrit, dhe unë kisha ca njohur të vërteta për shtëpinë e tij dhe për marrëdhëniet që kishte me Korfuzin. Korfuzi në atë kohë ishte i dominuar nga venecianët, e me rradhë. Çfarë ndodhi që thoni ju?
Ky i thotë këshilltarit kur ndahet nga dreka, i thotë që, Kapodistria është shqiptar, është gjirokastrit dhe i vëllai i tij quhet Ahmet. Këshiltari i thotë gazetarëve edhe dy javë rresht mediat greke flakë kundër meje, që po do të marrë dhe Kapodistrian, por Stefanopulos ishte njeri i ndershëm. Kërkoi të gjithë dokumentacionin, dhe doli me dokumenta themelore të enciklopedive të para, dhe fjalorëve encikolpedikë se, Kapodistria ishte një gjirokastrit, ishte shqiptar. Ai ka një histori fabuloze. Ka histori të jashtëzakonshme. Është hartues i Kushtetutës së Zvicrës, e cila ka qenë në fuqi deri në pak vite më parë. Ka qenë Ministër i dytë i Jashtëm i perandorisë Ruse, dhe më pas themelues i shtetit grek. Por Stefanopulos, njeri i ndershëm, doli dhe iu tha që Beroisha kishte të drejtë. Kështu që, ngatërrohen ndonjëherë edhe këshilltarët. Unë kam patur miqësi me të atin e Z. Qirjako. Nuk ka thënë kurrë se Himara është një minoritet. Po ka një dy-gjuhësi dhe mbi atë bazë është hapur një shkollë për ta ruajtur. Është krejt normale të ruajnë gjuhën, të dy gjuhët, edhe shqipen, edhe greqishten, dhe kanë hapur një shkole private aty, por që nuk e ndjekin, sepse kanë emigruar shumë. Në këtë kontekst, kjo është Himara. Himara është një bastion. Nuk i njihni ju betejat e tyre me turqit. Janë betejat më heroike, absolutisht. Në një rast kanë shndërruar në kocka 8 mijë ushtarë, të cilët donin t’u merrnin taksë atyre. Por atksë ata, e kishin marrëveshjen për të paguar, por nuk kishin. Nuk kishin me se të paguanin. Dhe ça bënin, i futnin t’i djegnin, t’i digjnin shtëpinë, t’i digjnin njerëzit. Historia e Himarës është një histori që duhet të mburret çdo shqiptar.
Z. Berisha për të vazhduar pak pyetjen. Ju thoni që Himara është totalisht me shqiptarët dhe kjo patjetër kjo nuk ka diskutim, por nga ana tjetër ju nuk keni zhvilluar Primare në Himarë, duke ia lënë zonë të lirë aleatit tuaj të PBDNJ, ndërkohë që ditën e djeshme Bejleri tha që ne e kemi zonë të lirë nga PD Himarën, pse e keni marrë këtë vendim? Dhe për të vazhduar. Për hetë të parë një Kryeministër grek viziton Himarën, mendoni se ka diçka pas kësaj vizite?
Berisha: Edhe njëherë. PBDNJ është një parti kombëtare, nuk është një parti lokale. Ju garantoj që ka patur raste që ka patur këshilltarë edhe në veri, edhe në zona të tjera. Është një parti, natyrisht me përqendrimin më të madh në territorin ku janë fshatrat e banuara nga qytetarët shqiptarë me origjinë greke. Kjo gjë nuk përbën një problem. Nuk dua të kemi kurrsesi mendësi, kjo është parti e harkut kushtetues të Shqipërisë. Mbron interesat e pakicave, por e vërteta në statutin e saj të gjitha pakicave, dhe shumë mirë që është. Sepse pakicat kanë nevojnë për një avokat më të përqendruar tek ato.
Për sa i përket kryeminstrit. Kryeministri i një vendi, i një vendi fqinjë, mund të vizitojë çdo pjesë të territorit, por natyrisht, por kjo nuk do të thotë se ai është grek, dhe kur shkon në ai janë grekë të tjerët. Kjo larg çdo koncepti. Ky është gjykimi im. Thashë edhe jëherë. Ka kaq shumë dokumenta për Himarën sa nuk mund të kapërcehen me asgjë. I ati i tij që ka qenë një burrë i shquar dhe mik në tërësi i shqiptarëve, nuk ka kishte përmendur kurrë një të tillë, sepse e dinte ai, kishte edhe pasion historinë Kostandin Mitsotakis.
Tv Klan: Z. Berisha ju thatë gjatë takimit me gazetarët që SPAK-u është droguar me paratë e inceneratorëve. A keni ju fakte, prova dhe emra prokurorësh që janë të përfshirë në një korrupsion të tillë?
Berisha: Të them të vërtetën, unë me hollësi nuk i njoh përveç atij Shehajt, që është një kriminel që doli e u tha shqiptarëve, se nuk kishte në makinë materiale elektorale. Unë me hollësi nuk i njoh prokurorët që punojnë aty, por unë gjykoj nga faktet. Faktet janë këto. Kanë marrë në ndjekje penale, për inceneratorin e Fierit për shkak të abuzimit të kategorizimit të tokës, kaq persona. Më fal, por unë njoh më mirë procedurën ligjore. Procedur ligjore është etëra e kryetarit të bashkisë dhe firmës së tij. Punonjësit kanë përgjegjësi, por përgjegjësinë numër një, aty ka kryetari i bashkisë, i cili nuk prek. Tani, a çoi ndonjë qese parash ai te këta, dhe ky quhet korrupsion monetar , apo morën një urdhër të prerë, dhe ky quhet korrupsion politik. Unë këto nuk i di, por ky është fakt.
Fakti tjetër është, se na dalin dokumenta, të cilat nuk janë konsideruar, por dokumenta të rëndësishme, jo të parëndësishme. Unë e di që ato i ka nxjerr Erjon Veliaj. Nuk ka rëndësi, se aty është betejë. Dokumentat i ka nxjerrë Erjon Veliaj. Ua them edhe pse-në unë ju.
Erjon Veliaj kundër Arben Ahmetajt. Mundet një porkuror të mos konsiderojë dokumentat? Kjo doli nga brenda. Ose Veliaj pagoi, apo urdhëroi. Por ky është korrupsion në çdo variant. Si mundet të mbahen në sirtare e të mos vihen në dosje. Ka bërë ndonjë përgenjështrim SKAP-i për këto? Jo, nuk ka bërë. Mirëpo, po të shohësh mediat dhe ju i shihni, ato janë marrë vazhdimisht me këtë çështje, dhe kanë të drejtë.
A ka logjikë, a ka ligj, a ka parim që të pranojë që të vazhdojë disbursimin e parave në një vepër krimi. SKA-i nuk lëshon urdhër. Tani, më pyesni ju mua. E paguan, se që një prokuror të mos lëshojë urdhër bllokimi të çdo lloj disbursimi, ndonjë krim. Nuk e bën se mori para. Ndan paratë me ta, kjo është më e mundshmja. Kurrë nuk ka ndodhur, dhe kurrë s’mund të ndodhë. Çdo sipërmarrje që gjendet vepër krimi bllokohet, konfiskohet dhe i bllokohet çdo llogari. Kurse djegësave i vazhdohet javë për javë disbursimi, sepse SKAP-i është i kapur. Tani se kush është më e fortë, më thoni ju mua, qeset me para apo urdhërat e qeveritarëve, atë unë nuk e di. Por njëra nga këto është 100%, se ndryshe nuk mund të bëhet kjo. Si mund të lejohet të disbursohen 300 mijë euro tek një italian. Disbursohen se janë të Edi Ramës, ose italiani paguan 500 mijë euro prokurorin. Njëra nga të dyja është këtu. Djegësat po djegin SKAP-in. Ato duhet të digjnin qeverinë, por SKAP, po del tani Kurbani i djegësave, po mbushin valixhet duket. Si mund të shpjegohet? Pse nuk i vihen hekurat Engjëll Agaçit, i cili ka marrë shkresën nga Agjencia Kombëtare e Prokurorimeve Publike, ku i thuhet se kjo metodë nuk ekziston me ligj.
Njeriu i parë që duhet ta bllokonte në vend vendimin është Engjëll Agaçi, sepse ai ka detyrë kryesore vetëm verifikimin e ligjshmërisë së akteve. Përkundrazi, ai ka bërë relacionin dhe ka firmosur me kryministrin vjedhjen. Ose këta janë të droguar nga paratë e djegësave, të cilat janë të pafundme. Dhe mos u çudisni ju të dalë ndonjë ditë edhe në Iran.
Do t’ju them unë një gjë këtu, prisni.
Këtu, qytetari digjital, më shkruan dhe më fakton me fotografi.
“ Doktor, lidhur me deklaratën tuaj, ku thoni se Veliaj ka bërë vizita në Iran, po ju kujtoj këtu se njëri nga pronarët aktual të inceneratorit italiani, Alberto Presezzi, ka lidhur nja bashkëpunim të ngushtë me kompaninë shtetërore me kompaninë shtetërore të Iranit, MAPNA,” dhe ja ku më çon fotot e tyre. I lidhur me Veliajn, Veliaj një vizitor i shpeshtë i Iranit, a kanë lidhje këto? Këto duhet të jenë objekt hetimi, sigurisht. Ky Presezzi, padiskutim që është i implikuar në inceneratorët e Tiranës. Pra a ka hetim, jo këtu ka zhurmim të hetimit, nuk ka hetim këtu. Ndaj i bie dhe në pikiatë besueshmëria e popullit SKAP-it. Ndaj edhe besohet se është i korruptuar universalisht nga shqiptarët.
