REPLIKË E KRYETARIT TË PD, SALI BERISHA NË KUVEND
EKSTRAKT
Në seancën e sotme plenare në Kuvend, Kryetari i PD, Sali Berisha ka bërë kërkesë që një përfaqësues, apo përfaqësi e studentëve të shkojë në Kuvend dhe të dëgjohen nga Komisioni i Arsimit dhe Komisioni i Shëndetësisë.
Berisha i mëshoi faktit që studentët duhet të dëgjohen medoemos nga këto komisione.
REPLIKA E PLOTË
Meqenëse ligji ka ardhur në mënyrë të rrufeshme, antiligjore, antikushtetuese, nuk e kanë konsultuar komisionet respektive, si Komisioni i Shëndetësisë, unë gjykoj se një përfaqësues apo një përfaqësi i studentëve duhet të vijë këtu dhe të dëgjohet kwtu nga Komisioni i Arsimit dhe Komisioni i Shëndetësisë.
Nuk po them të flasin në sallë, por si grupi i interesit më të fortë që kanë në këtë ligj, ata duhet të dëgjohen nga këto komisione.
