FJALA E KRYETARIT TË PD, SALI BERISHA NË KUVEND
EKSTRAKT
Kryetari i Partisë Demokratike, Prof. Dr. Sali Berisha, denoncoi në Kuvend dhunën e ushtruar ndaj protestuesve, duke kërkuar ndalimin e menjëhershëm të saj dhe lejimin e qytetarëve të futen në Parlament për të shprehur qëndrimet e tyre.
Berisha akuzoi mazhorancën se po përdor dhunën për të mbrojtur një akt që e cilësoi antikushtetues, ndërsa deklaroi se protestuesit janë mbledhur nga e gjithë Shqipëria për të mbrojtur Kushtetutën.
Në fjalën e tij, Berisha hodhi akuza ndaj zyrtarëve të mazhorancës, mes tyre ministrja Olta Xhaçka, duke e akuzuar për përfshirje në kontrabandë armësh, si dhe sulmoi drejtues të tjerë të qeverisë.
“Stop dhunës kundër protestuesve. Kërkoj që protestuesit të pranohen, të dëgjohen këtu në Parlament”, u shpreh Berisha.
Në fund, lideri demokrat paralajmëroi mazhorancën se “fundi i tyre është i afërt” dhe se dhuna nuk do t’i shpëtojë nga përgjegjësia politike.
FJALA E PLOTË
Parlamenti, parzmore e dhunës policore.
Një dhunë dhe terror i paparë ka shpërthyer sot ndaj atyre qytetarëve që sot protestojnë në mbrojtjen më të drejtë dhe më të fuqishme të Kushtetutës së vendit.
Një dhunë e paparë ka shpërthyer ndaj të rinjve, burrave dhe grave të mbledhur nga e gjithë Shqipëria për të mbrojtur Kushtetutën nga ky dhunues i shpifur i saj që quhet parlament.
Ndaj dhe kërkoj: stop dhunës kundër protestuesve.
Kërkoj që protestuesit të pranohen, të dëgjohen këtu në parlament.
Janë përfaqësues, kanë ardhur nga e gjithë Shqpiëria, të të gjitha forcave politike.
Të cilët mbrojnë interesat jetike.
Të cilët mbrojnë vendin, shoqërinë nga një akt i dhunshëm antikushtetues i një grupi delinkuentësh që në shumicën e tyre e ka vendin tjetërkund, jo këtu.
E kuptoni qytetarë ç’ndodh?
Ngrihet ai dhe ligjëron në një kohë kur ka 54 udhëtime të regjistruara me Begon e tij.
E kuptoni apo jo?
A mund të kishte një vend në botë që mbante në parlament shoqëruesin e një supertrafikanti, që i mori mbiemrin trafikantit.
Ku shkoi ajo zonja?
Ajo që çoi burrin në SPAK sot. E patë apo jo.
Kontrabandën e ka bërë vetë Olta.
Çdo ministër është marrë me kontrabandë.
Edhe Olta me armët dhe pastaj të mendoni ju se Oltat, Lubitë mund të kenë interesa të tjera, përveç interesave kriminale familjare dhe të klanit?
Është absurde!
Dhunë e narkobanditëve, po të garantoj, ku shkoi ai, se të garantoj se fatin e Edi Ramës do kesh, se të ka marrë si letër të fundit.
Këtij Demos e kam fjalën dhe mendon se me dhunë do i dominojë protestuesit.
Fundi juaj është i afërt!
Çfarëdo që të bëni, absolutisht nuk shpëtoni.
Jeni të marrë fund!
