FJALA E KRYETARIT TË PD-së, SALI BERISHA NË TUBIMIN QYTETAR
EKSTRAKT
Gjatë fjalës së mbajtur në tubimin qytetar, kryetari i Partisë Demokratike, Sali Berisha ka përshëndetur në mënyrë të veçantë kreun e PL-së, Ilir Meta dhe deputetin e PD-së, Ervin Salianji, të cilët janë duke vuajtur dënimet politike të dhëna nga gjykatat e dirigjuara nga Edi Rama.
Kryedemokrati Sali Berisha, ka akuzuar Edi Ramën se nuk e lëshon dot pushtetin sepse ndaj tij rëndojnë akuza të shumta. Berisha ka akuzuar edhe bashkëshorten e Edi Ramës, se gjatë viteve të tij si kryeministër është pasuruar edhe më shumë. ‘Edi Rama nuk e dorëzon pushtetin, pasi zonja Rama si Elena Çaushesku, apo Nexhmija, ka filluar të pasurohet mirë gjatë viteve të kryeministrit’, tha Berisha.
Në fund të fjalës, lideri i opozitës, Sali Berisha u ka bërë thirrje edhe njëherë tjetër demokratëve dhe të gjithë shqiptarëve të ndershëm që të dalin në protestën e thirrur në 29 tetor, për të treguar mosbindjen e tyre të drejtë ndaj një narkoregjimi që burgos liderët e opozitës, me qëllimin e vetëm për të grabitur edhe një mandat tjetër qeverisës. ‘Data 29, data e paralizës së plotë të Shqipërisë, dita e mosbindjes së madhe civile’, deklaroi kryetari i PD-së, Sali Berisha gjatë fjalës së tij në tubimin e përnatshëm qytetar.
FJALA E PLOTE:
Mirëmbrëma dhe përshëndetjet më të përzemërta, mirënjohjen më të pakufishme ndaj jush, qëndrestarëve dhe qendrestareve të vërtetë, të kauzës së drejtë të çdo shqiptari.
Një përshëndetje të përzemërtë sot, të gjithë opozitareve dhe opozitarëve të cilët panë skena të urdhëruara nga Edi Rama, që tejkalojnë skenat e çdo diktature tjetër në Europë dhe botë.
Përshëndes të burgosurit politik, ish-presidentin, ish-kryeministrin, ish-kryetarin e parlamentit, kryetarin e Partisë së Lirisë, Ilir Meta dhe deputetin e PD-së, Ervin Salianji që kalojnë natën si qëndrestarë në qelitë e regjimit mafioz të Edi Ramës.
Të dashur miq!
Sot Shqipëria është pamja e zezë në të gjitha ekranet, lajmet e planetit.
Sot bastardi i xhelatit Kristaq Rama, riktheu në publik skena horror të një diktature mafioze, arrestimin, goditjen, zvarritjen e ish-presidentit, ish-kryeministrit, ish-kryetarit të parlamentit dhe kryetarit të partisë së dytë më të madhe opozitare, Ilir Meta, pa asnjë akuzë, por thjeshtë si armik në hetim.
Edi Rama me këtë akt prej frikacaku, dëshmon nga njëra anë se, ai përjeton tmerre, se ai ka një frikë të tmerrshme nga opozita dhe se, i udhëhequr nga kjo frikë ai është i gatshëm të ndërmarrë çdo akt kundër saj.
Por nga ana tjetër Edi Rama dëshmon me këto akte, se ka tmerr, ka ferr nga largimi nga pushteti, pasi mbi të rëndojnë akuza dhe vepra kriminale ndër më të mëdhatë.
Nga zhdukja e personave, tek atentatet dhe përpjekjet për asgjësime fizike, tek sarajet e krimit të ndërtuara me para krimi, tek firmat e tij kriminale mbi djegësin e Tiranës, 132 mln euro të zhdukura në kontot ofshorë të tij dhe Erion Veliajt.
Te grabitja e Portit të Durrësit, aferë 3-4 miliardë Euro me Alalabarin e Llukashenkos.
Tek plaçkitja me bandat e tij të 6 milione metër katrot troje turistike ku aksionet e tij nuk janë më pak se 30%.
Tek plaçkitja e tokave të pronarëve legjitimë dhe dhënia e tyre, Olsi Ramës, Karlo Bolinos. Tek grabitja e 224 mijë metër katror tokë në Gjipe, pa asnja dokument kadastral apo shpronësimi.
Edi Rama ka frikë të tmerrshme, nuk e dorëzon pushtetin se e di që është vetë krimi.
Edi Rama nuk e dorëzon pushtetin, sepse edhe zonja Rama si Elena Çaushkesku, apo Nexhmija ka filluar të pasurohet mirë gjatë viteve të kryeministrit.
Vetëm pak kohë më parë Helena e Edi Ramës, bleu 500 mijë euro apartamentin në bllok karshi vilës së Enverit.
Edi Rama ka tmerr se edhe thjeshtra e tij, ndonëse me ligj vajzë familje, nuk deklaron asnjë qindarkë si fiton e si s’fiton.
Familje krimi, botë krimi, tikipe e narkokriminelëve diktatorë.
Nuk dorëzon dot pushtetin se Olsi Rama, defakto anëtar i bandës ‘Hakmarrja për drejtësi’ në aferën ‘Xibraka’, eksponentë kryesorë në këtë aferë, është një kriminel, trafikant ndërkombëtar i cili ka kryer vepra të rënda penale dhe mbrohet nga pushteti i vëllait.
Edi Rama nuk dorëzon dot pushtetin se në 1 milion faqe të krimit, emri i tij lakohet 300 mijë herë, është emri më i lakuar në të gjitha dosjet e krimit, nga të gjitha bandat.
Edi Rama nuk ka zaman, nuk ka bojë që fshin emrin tënd nga ato dosje.
U them shqiptarëve se ato do lexohen, do bëhen publike dhe ty që të del emri nëpër mediat e botës, si bandit, si bashkëpunetor me bandat, do të japësh llogari përpara shqiptarëve për krime në të cilat je implikuar.
Miqtë e mi!
Sot kryetari i Partisë së Lirisë, nga një grup terroristësh me uniformë, u rrëmbye brutalisht, u zvarrit, u qëllua tek kthehej në detyrë, tek vinte në Tiranë në detyrë, vetëm e vetëm që Edi Rama të shfryente urrejten e tij.
Vetëm e vetëm të realizonte ëndërrën e tij për shkatërrimin e një partie opozitare.
Vetëm e vetëm të mund të mbulonte sadopak varret që kanë hapur deputetë e tij, krimet që ka kryer ai me deputetë e tij.
Vetëm e vetëm që të arkivonte sado pak, ta mbulonte sado pak, Çyrben e tij, këtë kriminel që fshihte dhe mbronte Altin Hajrin, njeriun që copëtoi trupin e një burri dhe që gjeti përgjegjës kopshtarin pa asnjë lidhje.
Miqtë e mi!
Koha sot më shumë se kurrë thërret guximin e çdo shqiptari.
Koha sot më shumë se kurrë trimërinë e çdo shqiptari.
Koha sot më shumë se kurrë na fton në betejë.
Data 29, data e paralizës së plotë të Shqipërisë.
Qytetar dhe qytetare, derdhuni në rrugë, dilni në rrugë.
U tregoni kriminelëve të pushtetit se rrugët janë tuajat, se Shqipëria është e juaja.
Se fati është në duart tuaja.
Ndaj dhe data 29, dita e mosbindjes së madhe civile, dita e vazhdimit të betejës.
Është radha jonë, është radha jonë, është radha jonë.
Fitore, fitore, fitore.