Në replikën e tij, kryetari i Partisë Demokratike Sali Berisha ka akuzuar drejtuesin e grupit parlamentar të PS-së, Taulant Balla si përfaqësuesi më i shëmtuar i karteleve të drogës.
‘Protestuesit kërkojnë me të drejtë fundin e Kuvendit sepse ju përfaqësoni bandat dhe krimin’, theksoi Berisha gjatë fjalës së tij.
Replika e kryetarit të PD, Sali Berisha:
Parafolësi është përfaqësuesi më i shëmtuar i karteleve të drogës.
Është shërbëtori më i shpifur i tyre.
Parafolësi është njeriu që ka liruar dy terroristë që vendosën tritolin në shalën e biçikletës së Lulzim Kullës.
Parafolësi është negociatori i pazarit të votave.
Por është gjithashtu personazhi i dokumentit të asaj që u quajt Bundra, por që në fakt bundra e vërtetë është parafolësi.
Po, pse thua ti zotëri, shko bëj në gjyq avokatin e tij?
A do t’i lexoj edhe njëherë këtu pazaret që bën ky për makinat e Suel Çelës?
Prandaj dhe ata që janë atje, kërkojnë me të drejtë fundin e parlamentit sepse përfaqësoni bandat dhe krimin dhe jo qytetarët.
Duhet të dëgjohet zëri i tyre!
