FJALA E KRYETARIT TË PD-së, SALI BERISHA ME GAZETARET TEK PARLAMENTI
EKSTRAKT
Kryetari i Partisë Demokratike Sali Berisha ka akuzuar Edi Ramën se, ka poshtëruar parlamentin më keq se Maduro i Venezuelës.
Duke folur për mediat pas seancës së paprecedentë të Kuvendit të Shqipërisë, që vetëm me votat e mazhorancës miratoi brenda 5 minutash qeverinë dhe programin, pa asnjë debat, kryedemokrati u shpreh se, Edi Rama si kryehorri i kombit do të marrë përgjigjen që meriton.
FJALA E PLOTE:
Një akt tipik prej Kim Jong-Uni.
As Maduro nuk guxonte të bënte një akt të tillë.
As Maduro nuk guxonte të poshtëronte në këtë shkallë parlamentin, për çdo shqiptar ka vetëm një mision, shporrjen e tij një minutë e më parë nga pushtetit.
Kjo është një thirrje për çdo qytetar të këtij vendi, të ngrihet në mision për të çliruar shqiptarët dhe Shqipërinë nga një kryehorr, i cili nuk ka asnjë dallim nga Elvis Doçi, nga Suel Çela, nga Bahri Bajri.
Nga një kryehorr që i vë drynin parlamentit sipas dëshirës së tij.
Ky është kryehorri i kombit dhe kombi duhet t’i japë përgjigjen që meriton.
Pyetje: Cila është përgjigja z. Berisha?
Sali Berisha: Përgjigja është ajo që meritojnë të gjithë kryehorrat e kombeve, dhe e kanë merituar.
Pyetje: Çfarë aksioni do të ndërmarrë opozita?
Sali Berisha: Opozita do të marrë të gjitha vendimet.
Opozita nuk do pajtohet kurrë me këtë dhunë ekstreme ndaj qytetarëve shqiptarë.
Nuk është dhunë ndaj parlamentit, është dhunë ndaj qytetarëve shqiptarë.
Pyetje: A mund të konsiderohet zgjidhje si ato të protestave…
Sali Berisha: Atë për ambasadorët, le të flasin vetë ambasadorët. Unë nuk kam ndërmend të bëhem zëdhënës i askujt.
Por unë bëhem zëdhënës i atij populli opozitar, dhe gjithë qytetarëve, i cili shkelmohet në këtë mënyrë nga një kryehorr, kryetar i një organizate kriminale që arrin në momentin më thelbësor të historikut të parlamentit, t’i vërë drynin brenda 5 minutave.
