Kryetari i Partisë Demokratike, Sali Berisha foli në lidhje me situatën e krijuar tek kryesia e Kuvendit, ku garda e urdhëruar nga Rama nuk ka lejuar deputetët e PD-së të futen as në mbledhjen e tyre të grupit parlamentar.
Kryetari i PD-së u shpreh se këto urdhra nuk i ka dhënë as Llukashkenko dhe as Putini.
FJALA E PLOTEL:
Ata që janë aty janë të gjithë deputetë të Kuvendit të Shqipërisë, deputetë me imunitet.
Kurrë ndonjëherë në historinë e një parlamenti, deputetët nuk janë ndaluar të marrin pjesë në mbledhjen e grupit parlamentar.
Frika dhe tmerri i Edi Ramës, bënë që ai të urdhërojë Lindën e tij në aktet më të turpshme, më antiligjore.
Kjo sallë këtu është salla e mbledhjeve të grupit parlamentar të PD.
Edi Rama ka frikë, ka tmerr nga mbledhja e grupit parlamentar të PD.
Shikoni deri ku arrin verbëria e tyre politike.
Pra, sipas tij, ata që i përjashton ai nga aktiviteti parlamentar, nuk mund të marrin pjesë në mbledhjen e grupit të tyre parlamentar.
As Lukashenko, as Putini nuk mund të japin dhe nuk kanë dhënë ndonjëherë një urdhër të tillë.
Kjo është fytyra e Edi Ramës, ky është morali i Edi Ramës.
Ja ku jemi këtu ne, të mbledhur.
Ne vazhdojmë betejën tonë.
Siç e shihni ne po mbrojmë Kushtetutën nga një bandë kriminale e kryesuar nga Edi Rama, i cili i tmerruar nga grupi parlamentar dhe PD, jep urdhra të tillë që nuk i ka dhënë kush kurrë.
Ne kemi mbledhjen e grupit parlamentar, deputetët ja ku janë, nuk lejohet kryetari i grupit me ardhë në mbledhje.
Histori më të turpshme nuk ka.
Por e garantoj Edi Ramën se ky është vetëm fillimi.
Deputetët dhe populli opozitar nuk tërhiqen, por ti po tregon fytyrën dhe moralin tënd të vërtetë si pasardhës i xhelatëve të dikurshëm të popullit shqiptar.
Kështu po sillesh me parlamentin.
Pasojat do bien mbi ty, zemërimi i shqiptarëve do bjerë mbi ty.
Turp, 1 mijë herë turp!
