I privilegjuar te jem ketu para jush pasi Partia Demokratike e Shqiperise, kjo force politike që mundi diktaturen me te eger, ka shpallur procedurialisht listen e kandidateve per ne Primare ne Mirdite.
Mirenjohes per sejcilin prej atyre qe me nxiten dhe me mbeshtesin ne kete kandidim per bashkine Mirdite.
Besoj se Partia Demokrtatike ka ofertat e duhura per të dale me sukses në zgjedhjet vendore te 14 Majit 2023, duke ia kthyer kete Bashki mirditorëve.
Pervoja ime ne keto 30 vite, dijet politike dhe Dashuria per vendlindjen qe sot vuan mosvlersimin, deri ne keqqeverisje, jane garanci për demokratët dhe mirditorët, gdhendur në kodet e traditës.
Dashamires dhe rivalizues i drejte me te gjithe kandidatet ne keto Primare, shpreh vleresimet pozitive per sejcilin, ndersa bart frymen e bashkimit te demokratëve mirditore, sikurse i ka hije momentit politik, të një Mirdite dhe Shqipërie te rrezikuar ekstremisht nga shpopullimi dhe varferimi.
Zgjedhesit mirditas i ofroj nje program heret te shkruar prej meje, per nje Mirdite te zhvilluar qendrueshem, me berthame në trevat e saj të mencura.
Mirdita e Shqiperia kane nevoje me shume se kurre per burra dalzotes qe garojne me dinjitet dhe nuk i tuten veseve te komunistëve ne kete vend.
Shqiëpria duhet të dalë nga rreziku që e kërcënon dhe për këtë duhen burra e gra që t’i dalin zot.
Në Parlamentin shqiptar, një deputet i Rilindjes, emrin nuk e ndërron kurrë si disa kolegë të tij, por mbiemra ka disa.
Ndryshe nga personazhi i filmit artistik shqiptar “Taulanti kërkon një motër”, Taulanti-deputet kërkon një mbiemër.
Herë na shfaqet si Balla, herë Bego, herë si Gurra, e herë tjetër si Xibraka.
Emri i tij, pa mbiemër, u shfaq para dy ditësh edhe në dëshminë e biznesmenit elbasanas, i akuzuar nga drejtësia për disa vepra penale, Ardian Çapja.
Si politikan, por edhe me një spaletë të re: si vrasës.
Çapja dëshmoi se avokati i tij Ravik Gurra është vrarë para tre vitesh për arsye se zotëronte përgjime të cilat implikonin një politikan të lartë. Emri i të cilit është Taulant.
Partia Demokratike dhe kryetari i saj e kanë denoncuar pafund implikimin e Taulant Ballës në aferat dhe aktivitetet e bandave të Elbasanit, konkretisht me Gentian Sharrën, me të cilin ekzistojnë qindra biseda telefonike.
Emri i tij është shfaqur edhe në dëshmitë e të penduarve të drejtësisë. Nuredin Dumani e ka përmendur emrin e tij, si funksionar i lartë i Partisë Socialiste në dëshminë e tij për prokurorët. Por nga Dumani deri te Çapja, Taulant Balla ka shkuar nga politikan i korruptuar në politikan qe porosit vrasje.
Partia Demokratike i kërkon SPAK të hapë dhe të hetojë dosjen e avokatit Ravik Gurra. Nëse organet e drejtësisë nuk ndajnë politikanët nga kriminelët dhe politikanët kriminelë nga politika, ata bëhen përgjegjës të drejtpërdrejtë për humnerën dhe rrezikun që i kanoset Shqipërisë.
Implikimi i politikanëve të lartë të qeverisë me malavitën vjen tashmë nga disa burime. Denoncimi i vazhdueshëm i bandave dhe lidhjeve të tyre politike ka qenë një moto e kësaj foltoreje.
Ja pse protestohet ndër të tjera më 6 dhjetor. Për t’i thënë Europës dhe përfaqësuesve të saj se diçka nuk shkon në Shqipëri. Politika dhe krimin janë bërë një.
Ata që e duan atdheun do ta kuptojnë. Ata që e kanë shitur dhe futur në llogari offshore do të bërtasin. Taulantit që kërkon mbiemër do t’i duhet së shpejti të kërkojë edhe avokat për secilin llagap.
Për fat të keq, nuk u vendos asgjë pavarësisht pritsmërisë që unë kisha që sot të merrej një vendim përsa i përket një procesi gjyqësor krejtësisht të stisur nga ana e ministers Kushi. Siç e shikoni unë përsëri në respekt të kësaj gjykate të nderuar, në respekt të kohës, por edhe të investimit të kësaj gjykate për këtë çështje të stisur nga ana e ministres Kushi, e cila pretendon se është prekur në nderin dhe dinjitetin e saj, po refuzon që të paraqitet tnë gjykatë për të paraqitur prova për të kundërshtuar denoncimin që unë kam bërë.
Në një kërkesë të paprecedentë, prokuroria kërkoi kohë, kërkoi të studjonte dosjet, apo faktet, apo të merrte konkluzionet ndërkohë që këto janë vënë në dispozicion.
E theksoj që është kërkesë e paprecedentë nga ana e prokurorisë, e cila po tenton që ta bëjë si një kalvar të pafund dhe të mos jepet vendimi nga ana e gjykatës.
Nëse do të kishte një pikë dinjiteti, ministrja Kushi, për atë çka i ka bërë arsimit sot në Shqipëri, do kishte dhënë dorëheqjen prej kohësh. E nëse ajo nuk ka asnjë pikë dinjiteti për t’u tërhequr, kryeministri duhet ta kishte shkarkuar prej këtij skandali, por edhe skandle të tjera duke e çuar arsimin në ditën e tij më të keqe.
Janë militantizimi, patronazhimi, korrupsioni, babëzia të cilat e kanë çuar arsimin në rrezik. Arsimi sot është në gjendje kome, ndaj gjithësecili prej nesh duhet të jetë në mbrojtje të fëmijëve, në mbrojte të nxënësve, në mbrojtje të prindërve, në mbrojtje të mësuesëve të cilët janë të shantazhuar, të kërcënuar nga patronazhistët dhe militantët e PS.
Nuk është gjyqi i parë, janë edhe 5 çështje të tjera që unë kam me Edi Ramën, Taulant Ballën, me Erion Veliajn. Po mundohen të përdorin gjykatën si një mjet për të stisur gjyqe politike si mjet për të më mbyllur gojën mua, për t’i mbyllur gojën kolegëve të mi, për t’i mbyllur gojën opozitës.
Por sigurisht, ashtu siç është bërë edhe e qartë prej meje dhe prej kolegëve të mi: opozita nuk do heshtë. Do të jemi çdo ditë në mbrjtje të fëmijëve, mësuesvëve, arsmimit që ëshët në rrezik, shëndetësisë që është në rrezik, në mbrojtje të çdo sektori që është në rrezik.
Data 6 dhjetor është një ditë e mirë ku të gjithë të bëhemi bashkë.
Të bëhen bashkë edhe të rinjtë, edhe prindërit, edhe mësuesit për t’i treguar gjithë Europës që shqiptarët duan arsimin, e duan Europën, i duan duan vlerat europiane dhe do vazhdojnë të luftojnë për t’i arritur ato. Pra, data 6 dhjetor është një datë e mirë për të reaguar dhe për t’i thënë gjithë liderave të Europës që ne shqiptarët edhe pas 30 viteve vazhdojmë ta duam Shqipërinë si gjithë Europa.
Aktualisht nga po flasim jemi në Gjadër dhe situata nga pamjet shikohet që është teje shqetësuese, në fakt.
Banorët ndodhen në situatë kritike, aktualisht janë afro 24 banesa që ndodhen të përmbytura, 1400 ha tokë bujqësore dhe të mbjella janë nën ujë dhe padyshim qytetarët po apelojnë për ndihmë dhe kërkojnë mbështetjen e institucioneve shtetërore që t’ju gjenden pranë kryesisht dhe me ushqime, në këto momente.
Duke qenë se reshjet do të jenë të vazhdueshme gjatë gjithë javës, padyshim kërkohet që institucionet të mobilizohen, të lënë propagandën politike, pasi sot nuk është dita për të bërë politikë, përkundrazi është dita që të gjendemi pranë qytetarëve.
Përmbytja nuk është e vërtetë që erdhi nga reshjet, padyshim që natyra bën punën e saj por edhe institucionet kanë përgjegjësi dhe duhet të bëjnë të sajën.
Ajo erdhi si rezultat i hapjes së menjëhershme të portave në kaskadën e Drinit , ku u përmbytën Shkodra, Lezha dhe madje deri në Krujë ka vërshuar uji dhe kjo ndodh për shkak të abuzimit të kësaj qeverie e cila në fakt blen shtrenjtë dhe shet shumë lirë energjinë elektrike, ndërkohë që mund të prodhojë gjatë gjithë kësaj periudhe.
Kur është thatësirë ankohen se nuk ka reshje.
Ndërkohë që kur ka reshje çfarë bëjnë?
Hapin portat përmbysin qytetarët, banesat, qindra e mijëra hektarë me tokë bujqësore nën ujë dhe derdhin në det 2000 metër kub ujë në sekondë.
Ndërkohë që e gjitha kjo mund të prodhojë energji elektrike.
Edi Rama e ka bërë kontratën me 10 milionë euro me energjinë elektrike, duke e blerë 220 megavatin në bursë.
E gjitha kjo ka të bëjë pikërisht me abuzimin e kësaj qeverie në kurriz të qytetarëve shqiptarë, por siç shihet në kurriz të qytetarëve të Lezhës dhe Shkodrës sepse jemi të dy qarqet në situatë shqetësuese.
Apeli im është që qeveria t’i thirr mendjes t’i leje udhëtimet se ndërkohë që i gjithë shteti është në ajër qytetarët ndodhen nën ujë.
Të shpallë gjendjen e emergjencës së jashtëzakonshme t’ju vij pranë qytetarëve, t’i verifikojë me sy të gjitha dëmet që po bëhen në mënyrë që t’ju sigurohet mbështetje për banesë, për ushqime dhe për të gjitha prodhimet bujqësore që ndodhen nën ujë.
Ka shumë familje të cilat janë të rrethuar nga uji. Nga ajo se çfarë patë ju ose keni konstatuar për çfarë kanë më shumë nevojë këta banorë për momentin?
Aktualisht që flasim ato kanë nevojë për ushqime por edhe për ilaçe.
Një pjesë tjetër dhe për veshmbathje se aktualisht janë nën ujë por edhe gjëja e gjalla kanë nevojë për ushqime sepse janë totalisht të mbuluar me ujë.
Në këto moment problematik është dhe lumi Gjadër i cili është në kuota kritike, lumi Drin po ashtu në kuota kritike dhe e gjitha kjo ndodh se dhe pse hapen kanale kulluese nuk është e mjaftueshme përsa kohë që nuk investohet në thellimin e lumit Gjadër dhe lumit Drin që nga vitet 2008-2009 që ishte koha e qeverisjes së Partisë Demokratike.
Dhe një shqetësim tjetër që e sqaruan shumë dhe specialistët kërkohet një hidrovor i ri në Balldren, i cili tashmë projekti është që në 2011 dhe nuk zbatohet sepse po abuzohet me këto fonde.
Dhe ndërtimi i një hidrovori të ri në Gjadër dhe riparimi i hidrovore aktuale kryesisht të Gocaj i cili funksionon në mënyrë të ndërprerë për shkak të mungesës së energjisë elektrike dhe mungesës së furnizimit me burim të dytë të energjisë elektrike.
Ushtria është për t’u falënderuar sepse gjendet pranë qytetarëve por abuzimi nuk mund të mbulohet me prezencën e ushtrisë.
Nuk mund të mbulohen dhjetëra, mijëra, milionë euro që abuzohet në kurriz të qytetarëve shqiptarë sidomos në këto kushte.
Si deputete e Shkodrës, dua jo vetëm të raportoj për gjendjen në territorin e Bashkisë, por edhe të solidarizohem me të gjithë ata bashkëqytetarë të mitë shkodranë, që u përmbyten kur qeverisë së Edi Ramës i doli jashtë kontrollit rrebeshi i korrupsionit.
Nga monitorimet në terren sot, deri në orën 10, gjendja e përmbytjeve dhe lëvizja e ujërave në të gjitha basenet e Shkodrës është e paqëndrueshme.
Hidrometrat e liqenit të Shkodrës dhe lumit Drin shënjojnë afër kapaciteteve maksimale.
Në disfavor të gjendjes është edhe fakti se reshjet vazhdojnë, dhe po ashtu hapja e digave të dy hidrocentraleve të kaskadës së Drinit.
Në bashkinë Shkodër ka një sipërfaqe totale të përmbytur rreth 1 mijë e 458 Ha.
Familje të evakuara gjithsej janë 86 dhe vijnë nga njësitë administrative të Gurit të zi, Bërdicë, lagjet 1 dhe 2.
Duhet patur parasysh fakti se ky numër nuk përfshin shumicën tjetër të banorëve që nuk pranojnë të largohen duke ruajtur pronën dhe pasurinë e tyre dhe janë të zhvendosur në katet e dyta të ndërtesave.
Shumica e të evokuarve janë të akomoduar te të afërmit, ndërsa në konvikte 3 familje.
Falenderoj Bashkinë Shkodër dhe kryetarin Spahia, që kanë qenë dhe janë në gatishmëri me të gjithë kapacitetet njerëzore, logjistike dhe akomoduese për t’i ardhur në ndihmë popullatës të rrezikuar nga përmbytjet.
Dua të falenderoj gjithashtu me gjithë zemër Forcat e Armatosura të Republikës së Shqipërisë, që po bëjnë një punë atdhetare.
Ata janë të vetmit në frontin e betejës, duke u munduar të menaxhojnë me përkushtim papërgjeshmërinë e një qeverie që i lë në mëshirën e ujit e te baltës nënshtetasit e vet pa paralajmërim!
Me fondin e Emergjencës Civile të përdorur për kopshte të varura ne oborrin e korrupsionit dhe fasadat pa fund, qeveria jo vetëm i mbyt qytetarët e saj, por as nuk përgjigjet ne kohe duke i lënë në përmbytje qytetarët e Shkodrës!
Një popull që paguan taksa për zyrtarët që e drejtojnë por që mbytet nga keqqeverisja për 30 minuta, është një popull i vjedhur në mënyrë kriminale dhe i përbuzur nga arroganca dhe cinizmi.
Si shqiptarë dhe europianë, duhet të bëhemi bashkë me 6 dhjetor.
Shqipëria na kërkon që t’i dalim zot.
