Defrim Fiku

Defrim Fiku u lind në fshatin Godvi te bashkisë Bulqizë. Arsimin fillor e kreu në vendlindje, ndërsa të mesmen në qytetin e Bulqizës. Në vitin 1995 nisi studimet për ekonomi agrobiznesi ne Universitetin Bujqësor të Tiranës. Në vitin 2013 përfundoi masterin shkencor për marrdhënie ndërkombëtare në Universitetin Mesdhetar.

Në periudhën 1994 ˗ 2004 punoj në Drejtorinë e Shërbimit Pyjor Bulqizë, në pozicione të ndryshme. Më pas në periudhën 2005˗2006 u emërua drejtor në Drejtorinë e Mirëmbajtjes së Rrugëve Bulqizë. Nga viti 2015 e në vazhdim mban postin si drejtor administrativ në kompaninë ̎Teodori 2003 ̎.

Anëtar i Partisë Demokratike që nga viti 1991, duke mbajtur detyrat sekretar e kryetar grupseksioni.
Pas zgjedhjeve vendore, Fiku u zgjodh kryetar i Komunës Zerqan më 18 shkurt 2007. Gjatë këtij mandati, Fiku solli një frymë të re për sa i përket qeverisjes vendore.
Në zgjedhjet vendore të 8 majit 2011, Fiku u rikonfirmua si Kryetar i Komunës Zerqan, duke vazhduar kështu planin e tij për zhvillimin e Komunës Zërqan.
Gjatë periudhës 2015 ˗ 2016 mbajti detyrën si sekretar i degës PD Bulqizë. Më pas nga viti 2016 deri në vitin 2022 ka ushtruar detyrën si kryetar i degës PD Bulqizë.
Ndërsa në vitin 2022 konkuroi në procesin e Primareve, duke dalë si kandidati fitues i tyre.