DEKLRATA ME GAZETARËT E KRYETARIT TË PD-së, SALI BERISHA PAS MBLEDHJES SË KRYESISË
EKSTRAKT
Kryetari i Partisë Demokratike Sali Berisha, duke folur për gazetarët jashtë selisë, pas mbledhjes së kryesisë, është shprehur se, do të mbështeten kandidatë të pavarur që do të shpallin kandidaturat e tyre për të konkurruar në zgjedhjet e pjesshme lokale që do të zhvillohen në datën 9 nëntor. Berisha u shpreh se, këto kandidatura do të jo vetëm për Bashkinë e Tiranës, por edhe në 5 bashkitë e tjera të vendit.
‘Do konsiderojë me seriozitetin më të madh, kandidatë të pavarur të cilët garojnë si të tillë dhe që konsiderojnë të nevojshme për fitoren e tyre, mbështetjen e PD-së. Besoj se në një valë me këtë nga diskutimet paraprake janë dhe forcat e tjera opozitare. Dhe kjo jo vetëm në bashkinë e Tiranës, por dhe në bashkitë e tjera’, theksoi Berisha.
Sipas kryedemokratit Sali Berisha, ky është një vendim ‘jashtëzakonisht i rëndësishëm i jep opozitës shqiptare një dimension tjetër’. Duke folur për gazetarët, Berisha bëri dhe një krahasim me kandidaturën e shpallur nga Edi Rama. ‘Kë paraqiti ai? A e kuptoni ju se, çdo njeri tjetër në atë organizatë kriminale mund të dilte para Ogertës. Ogertës desh i ra të fiktë kur e mori vesh, sepse e di barrën e krimit që ka mbi supe. A nuk janë këto nata ma ditën, a nuk është kjo errësira me dritën, dallimi’, deklaroi kreut i PD.
Gjatë prononcimit për mediat, lideri i opozitës shqiptare, Sali Berisha u shpreh se, kandidati i pavarur do të regjistrohet si i pavarur, i mbështetur nga forcat politike.
‘Ai regjistrohet si i pavarur, i mbështetur nga forcat politike. Do të regjistrohet, si një koalicion mbështetës i kandidatit. Do të zgjedhim se cili gjykohet më i zgjedhshëm. Identikiti do të jetë një njeri i cili të ketë aftësitë për të bindur më shumë se, kushdo tjetër qytetarët e Tiranës për shkak të aftësive të tij, përfomancës së tij etj’, nënvizoi Berisha në fjalën e tij.
Në fund, kryetari i Partisë Demokratike, Sali Berisha u ka bërë thirrje të gjithë personaliteteve të vendit dhe të Tiranës që të bëhen pjesë e kësaj dhe se opozita do ti mbështesë dhe mirëpresë në mënyrë absolute.
‘Do të kemi kandidatin, ne do e mbështesim, partitë e tjera do e mbështesin ta supozojmë, por unë ftoj personalitete të këtij vendi, e këtij qyteti, të guxojnë sepse ne i mirëpresim absolutisht me shumë sinqeritet’, përfundoi kryetari i PD-së deklaratën e tij për gazetarët.
FJALA E PLOTE
Patëm një diskutim të gjatë, të përgjegjshëm, të lirë.
Ajo që predominoj dhe e konsideroj një hap të rëndësishëm në përpjekjen tonë, është se PD ndonëse ka padiskutim kandidatura kalibri për asnjëlloj krahasimi me organizatën kriminale në pushtet, do vlerësojë dhe çmojë shumë kandidaturat e pavarura.
Do konsiderojë me seriozitetin më të madh, kandidatë të pavarur të cilët garojnë si të tillë dhe që konsiderojnë të nevojshme për fitoren e tyre, mbështetjen e PD-së.
Besoj se në një valë me këtë nga diskutimet paraprake janë dhe forcat e tjera opozitare.
Dhe kjo jo vetëm në bashkinë e Tiranës, por dhe në bashkitë e tjera.
Ky është një moment do të mendoja unë, për të gjithë ata qytetarë, intelektualë, ata specialistë, ekspertë që ndihen të gatshëm të përballen me narkoshtetin e Edi Ramës, të matin forcat e tyre në një garë në interesin më të mirë të qytetarëve të marrin vendimin e duhur.
Pyetje: Kemi parë tre kandidat të propozuar si të pavarur…
Sali Berisha: Unë mendoj se kandidati i pavarur, është i pavarur kur deklaron veten, apo nuk është kështu.
Por edhe të propozuar, asgjë nuk do të lihet jashtë konsideratës.
Natyrisht duhet të jemi realist. Në historinë e modeleve elektorale, të pavarurit e mbështetur nga forcat politike kanë regjistruar suksese të papritura, të themi atë që është.
Sot, tani, mund të ju them se në një shtet prej 18 milionësh, në Rhine Ëestphalia, në Gjermani, të gjithë kandidatët të pavarur, të mbështetur nga forcat politike.
Pra, nuk është kjo.
Vendimi është një vendim jashtëzakonisht i rëndësishëm i jep opozitës shqiptare një dimension tjetër.
Kë paraqiti ai? A e kuptoni ju se, çdo njeri tjetër në atë organizatë kriminale mund të dilte para Ogertës.
Ogertës desh i ra të fiktë kur e mori vesh, sepse e di barrën e krimit që ka mbi supe.
A nuk janë këto nata ma ditën, a nuk është kjo errësira me dritën, dallimi.
Ne themi, qytetarët themi, personaliteteve të vendit, intelektualëve të vendit, ekspertëve u themi, atyre të cilët ndihen të gatshëm të përballen të marrin vendimin e duhur dhe ne qëndrojmë të hapur ndaj tyre.
Jo lajmi përbën ky, por risinë madhore, prandaj dhe mos bëjmë asnjëherë atë që ja; tani të themi, shihni trungun e pishës sa i madh, tani këto degët nuk na lënë me e pa.
Nuk mund të ndodhi kjo.
Pyetje: Ju merrni sot vendimin për të mbështetur një kandidat të pavarur dhe nuk angazhoheni më për të gjetur, bashkë me partitë e tjera opozitare, një figurë e cila le të kandidojë e pavarur, por është e dakorduar paraprakisht nga ju. Pra ju nuk do të dakordësoheni për një emër …
Sali Berisha: Kjo është gjysëm e pavarur.
E pavarur është ai, e pavarur jeni ju, nëqoftëse del dhe thoni se, unë do të kandidoj dhe kërkoj mbështetjen e partive politike.
Pyetje: Tre emrat e propozuar këto ditë, quhen kandidatura të djegura pasi kanë ardhur nga forcat opozitare.
Sali Berisha: Asgjë nuk ka të djegur në këtë. Më vjen keq.
Jemi në rrafsh të doktrinës. Në doktrinë, nëse unë kandidoj Osmanin, Osmani është kandidat i imi jo i pavarur, apo nuk është kështu.
Osmani është jo partiak të themi, por është kandidat i propozuar dhe ky nuk është një mëkat, jo.
Të themi dhe të jemi të vërtetë në konceptin, i pavaruri është ai që thotë; shikoni, unë do të dal të kandidoj për qytetin e Beratit, apo për Vlorën, apo për Tiranën. Po të duan forcat politike të më mbështetin.
A është ky tamam i pavarur.
Pyetje: Të vijë kandidati te opozita dhe jo opozita tek kandidati, ky është thelbi?
Sali Berisha: Problemi është, edhe opozita mund të zgjedhë një kandidat jo partiak të themi, dhe ky është një kandidat jo partiak dhe opozita është e lirë ta bëjë në çdo moment.
Pyetje: Si do regjistrohet…
Sali Berisha: Ai regjistrohet si i pavarur, i mbështetur nga forcat politike.
Do të regjistrohet, si një koalicion mbështetës i kandidatit.
Pyetje: Kur do e vendosni ju se kë do mbështesni. Nëse dalin dy kandidatë, kë do mbështesni?
Sali Berisha: Do të zgjedhim se cili gjykohet më i zgjedhshëm.
Pyetje: Kush është identikiti i kandidatit të pavarur?
Sali Berisha: Identikiti do të jetë një njeri i cili të ketë aftësitë për të bindur më shumë se, kushdo tjetër qytetarët e Tiranës për shkak të aftësive të tij, përfomancës së tij etj.
Pyetje: Kush do e përzgjedhë këtë kandidat? Do kemi një grup pune nga forcat opozitare.
Sali Berisha: Natyrisht do të jenë diskutimet për të. Por edhe njëherë, në rast se flasim për të pavarur, i pavarur është ai që merr guximin dhe thotë; shiko, unë dola në arenë.
Pyetje: Po nëse nuk del asnjëri?
Sali Berisha: Në rast se nuk del asnjëri, atëherë janë të pavarurit e propozuar nga partitë. Këto nuk janë kandidatura të pavarura, këto janë kandidatura jashtëpartiake të propozuara nga partitë dhe kjo shumë mirë, dhe kjo ka funksionuar.
Tani unë mos të numëroj kandidatë por PD, këtë model që po flas e ka përdorur.
Nuk është një praktikë e pavarur e përdorur nga PD. E të pavarurit është e parrahur.
Kurse praktika e propozimit të kandidatëve që nuk kanë qenë në PD, kjo është e njohur me dëshmitar.
Pyetje: A është Ermal Hasimja kandidat i pavarur?
Sali Berisha: Unë nuk jam këtu për të diskutuar për asnjë emër. Nuk më lejohet mua.
Nëse unë ftoj intelektualë, ftoj specialistë, ftoj ekspertë që të konsiderojnë kandidimin e tyre në betejë për Tiranën, Beratin, në betejë për Vlorë, për të gjitha qytetet, atëherë çfarë kuptimi ka të dal e të them unë, mbështes filanin, ose nuk mbështes filanin. Jo.
Pyetje: I plotëson ato të dhëna themi?
Sali Berisha: Tani, edhe njëherë nuk kam asnjë prononcim për kandidatin.
Pyetje: Sa i takon çështjes, PS ka përcaktuar dhe cilët do të jenë personat që do bëjnë fushatë në degët e Tiranës, apo bashkitë e tjera…
Sali Berisha: Ka përcaktuar bandat kriminale, se ajo Lubia ka filluar takimet me bandat. Është takuar me Asllani i Vorës dhe me radhë dhe po takon bandat.
Pyetje: Ata po takojnë bandat, ju kur do i takoni qytetarët?
Sali Berisha: Po i heq deputetet që nuk punojnë me bandat. Aty ligjin po e bëjnë bandat.
Pyetje: Po ju qytetarët kur do i takoni?
Sali Berisha: Unë nuk them se, nuk është një kohë e ngushtë. Është një kohë e ngushtë, por ne po i bëjmë këto gjëra, do ti realizojmë.
Pyetje: Kandidatin e pavarur deri kur do e prisni?
Sali Berisha: Mendoj se dy ditët e ardhshme do të ishte kohë e përshtatshme se dhe zgjatja është e pamundur.
Sot dhe nesër do të pritet.
Pyetje: Keni emra të përcaktuar?
Sali Berisha: Nuk ka gjë të përcaktuar, nuk ka asgjë. Por vetë koha është shumë e ngushtë.
Pyetje: Deri në mesin e javës do ta keni kandidatin?
Sali Berisha: Do të kemi kandidatin, ne do e mbështesim, partitë e tjera do e mbështesin ta supozojmë, por unë ftoj personalitete të këtij vendi, e këtij qyteti, të guxojnë sepse ne i mirëpresim absolutisht me shumë sinqeritet.
