Znj.Dhurata Çupi ka përfunduar Fakultetin Juridik, si dhe Masterin mbi “Ligjin dhe Administratën publike”. Ka ndjekur gjithashtu studimet paradoktorale me rezultate shumë të mira. Znj. Dhurata Çupi është anëtare e Kryesisë së Paritisë Demokratike dhe Deputete në Qarkun e Dibrës nga viti 2016-2024 e në vazhdim.
Nënkryetare e Komisionit të Ligjeve.
Znj. Çupi ka kryesuar “Aleancën e Grave Deputete” si dhe ka qenë anëtare e disa prej komisioneve të përhershme parlamentare si dhe disa komisioneve hetimore . Anëtare e Këshillit të Legjislacionit dhe Kryetare e Këshillit të Legjislacionit gjatë periudhës Maj 2024 e në vazhdim.
Ka një eksperiencë të gjatë në administratën publike si drejtore e drejtorisë juridike pranë Bashkisë Tiranë (2011-2015) dhe si pedagoge e jashtme e lëndës “E drejta e qeverisjes vendore”. Ka qenë kryetare e Agjensisë së Inventarizimit dhe Trajtimit të Pronave Publike pranë Ministrisë së Brendshme (2005-2011) , përgjegjëse e sektorit të ligjshmërisë në AITPP pranë Ministrisë së Pushtetit Vendor (2002-2005), si dhe juriste e drejtorisë juridike pranë Bashkisë Tiranë (1996-2001). Ka qenë gjithashtu anëtare e GED (Grupi i Ekspertëve mbi Decentralizimin). Anëtare e Bordit drejtues pranë Drejtorisë së Shërbimeve Qeveritare.
