Blog

23 Feb
0

Sekretari për burimet njerëzore dhe koordinimin dixhital në PD, Endri Hasa: Bllokimi i firmës elektronike në E-albania, ka paralizuar punën e qytetarëve, mjekëve, QKB, kadastrave, arkitektëve dhe inxhinierëve

 

DEKLARATA E SEKRETARIT EKZEKUTIV PËR BURIMET NJEREZORE DHE KOORDINIMIN DIXHITAL DHE ANËTARIT TË KRYESISË SË PD, ENDRI HASA

Përshëndetje të nderuar qytetar!

Jemi këtu për denoncuar paralizimin e plotë të shërbimeve më të rëndësishme elektronike për qytetarët.

Bllokimi dhe mosfunksionimi i sistemit të firmës elektronike prej mëse 10 ditësh ka bërë që shumica e sistemeve më të rëndësishme për shërbimet ndaj qytetarëve dhe biznesit të mos funksionojnë.

Çdo veprim i mjekëve në qendrat shëndetësore për lëshimin e raporteve dhe recetave elektronike është i bllokuar duke paralizuar edhe furnizimin me barna të shumë pacientëve.

Çdo veprim për të gjitha regjistrimet dhe ndryshimet në shoqëritë tregrare apo personat fizik si dhe çdo veprim tjetër pranë Qendrës Kombëtare të Biznesit është i bllokuar duke sjell vonesa në aplikim dhe në shumë raste penalizime me gjoba për qytetarët dhe bizneset.

Çdo veprim për regjistrime pranë kadastrës i kryer nëpërmjet E-Albania apo pranë zyrave noteriale është i bllokuar duke sjellë një paralizim të plotë të të gjitha transaksioneve në Kadastër ku për shumë prej veprimeve qytetarët penalizohen me gjoba për vonesë.

Aktiviteti i arkitektëve, inxhinierëve dhe çdo profesionisti tjetër të liçensuar për çdo lloj leje ndërtimi, rikostruksioni si dhe për firmosjen e projekteve apo aplikimeve është i bllokuar.

Çdo aplikim në vend që kërkon vulë apo nënshkrim elektronik nuk funksionon, duke bërë që qytetarët dhe bizneset të hasin kosto në çdo orë që kalon.

Partia Demokratike denoncon me forcë këtë bllokim dhe paralizim të shërbimeve elektronike qeveritare të ofruara nga AKSHI që me çdo orë mosfunksinimi të tyre po dëmtojnë qytetarët dhe bizneset.

Partia Demokratike kërkon nga institucionet përkatëse të nxisin hetimin dhe të marrin masa të menjëhershme për këtë situatë e cila ka efekte të mëdha ekonomike në xhepat qytetarëve dhe bizneseve.

Qeveria duhet të rikthejë menjëherë në normalitet funksionimin e sistemeve elektronike të afektuara dhe të marri përsipër çdo kosto dhe të anullojë çdo gjobë të gjeneruar për shkak të problemeve me firmën dhe vulën elektronike.

Parita Demokratike po e ndjek me shumë vëmendje dhe seriozitet të gjithë këtë situatë dhe siguron qytetarët se do të ndjek çdo hap ligjor të nevojshëm për të mbrojtur interesin e qytetarëve.

Faleminderit!

Me Shume
23 Feb
0

Arbi Agalliu i përgjigjet Manjës: Rama dhe qeveria e tjj kërkon të amnistojë zyrtarët e korruptuar që i kanë pirë gjakun këtij vendi dhe të mbajë në burg viktimat e korrupsionit të tyre

 

Reagimi i deputetit të PD, Arbi Agalliu:

 

A janë më të fajshëm një grua, burrë a i ri që ka protestuar se kjo qeveri po i shkatërronte shtëpinë, apo zyrtarët e korruptuar që i kanë pirë gjakun këtij vendi dhe që kjo qeveri kërkon t’i amnistojë?!

 

Ata që kërkojmë ne të amnistohen janë protestuesit që u ngritën për të mbrojtur të drejtat e tyre, ata që kërkoi kjo qeveri janë zyrtarët që i vjedhin çdo ditë ata.

 

Morali i kësaj qeverie janë kriminelët që i veshi me pushtet dhe të korruptuarit që abuzojnë me pasuritë dhe paratë e shqiptarëve.

 

Çudi që Ulsiu, meqë qenka kaq i interesuar për protestuesit e pas 2020, nuk solli amendament për ta, por për zyrtarët e korruptuar.

 

Është e kuptueshme që Edi Rama dhe qeveria e tij ka vetëm një interes: si t’i bëjë presion SPAK-ut dhe gjykatave, dhe të falë zyrtarët e vet të korruptuar.

 

Mesazhi i tyre për drejtësinë është i qartë: “Ju dënoni, ne lirojmë!”

 

Harrojeni!

Me Shume
23 Feb
0

Deputetja e PD, Andia Uliri: Dorëzova sot në Kuvend Kërkesën për informacion për rindërtimin e shkollës së mesme të bashkuar “Ramazan Karaj” drejtuar kryetarit të Bashkisë Krujë dhe Ministrisë së Arsimit dhe Sportit

 

DEKLARATË E DEPUTETES SË PARTISË DEMOKRATIKE, ANDIA ULLIRI

 

 

Të nderuar qytetarë,

Dorëzova sot në Kuvend Kërkesën për informacion për rindërtimin e Shkollës së Mesme të Bashkuar “Ramazan Karaj” drejtuar Kryetarit të Bashkisë Krujë dhe Ministrisë së Arsimit dhe Sportit.

Prej 2 vitesh shkolla është shembur dhe deri më sot nuk na keni vënë në dispozicion asnjë informacion për masat që janë marrë apo parashikoni të merrni për ndërtimin e Shkollës, por përkundrazi keni zgjedhur të heshtni, duke shkelur parimin e transparencës.

Unë si deputete e Kuvendit të Shqipërisë kam dërguar disa kërkesa për informacion për të cilat as sot, në shkelje të paprecedentë të afateve ligjore, nuk kam asnjë kthim përgjigje.

Banorët e zonës kanë dalë në protesta duke ndaluar edhe fëmijët e tyre të shkojnë në shkollë, për shkak se ajo ndodhet shumë larg dhe “zgjidhja” e dhënë për ta është mësim i shkurtuar.

Pra një nxënëse do duhet të përshkojë 2 orë rrugë për të shkuar në një shkollë tjetër dhe të bëjë 2 orë mësim!

Kjo është e papranueshme dhe duhet të jetë këmbanë alarmi edhe për ju vetë si institucione.

Sot nga Kryesia e Kuvendit të Shqipërisë ju kërkoj të bëni transparencë dhe të ndiqni një orë e më parë këtë problem për të rindërtuar shkollën e Mesme të Bashkuar “Ramazan Karaj”.

Ndaj i bëj thirrje Bashkisë Krujë dhe Ministrisë së Arsimit dhe Sportit të ndjekin këtë çështje dhe të përgjigjen nëse:

1.A keni aplikuar pranë Ministrisë së Arsimit dhe Sportit për financim/bashkëfinancim për ndërtimin e Shkollës së Mesme të Bashkuar “Ramazan Karaj”?

  1. Cilat janë mundësitë që po shqyrtoni për financimin e ndërtimit të Shkollës së Mesme të Bashkuar “Ramazan Karaj”?

Me Shume
23 Feb
0

Flutura Açka: Ne, Partia Demokratike, nuk do të bëjmë asnjë lëshim. Po, në jemi pro Amnistisë Penale, por jo amnistisë së zyrtarëve të korruptuar

 

Reagimi i nënkryetares dhe deputetes së PD, Flutura Açka:

 

Çeçua ka të vjella

 

“Do të votohet si Çeçua!” Kështu flasin rëndom drejtuesit poliitikë të PS, njëjtë me sigurinë e Çiçikovit që i fut në thes shpirtërat e shitur.

 

Nëse ministri ynë është kaq i sigurt për 90 votat é tij, do të thotë se PS, edhe ai, i ka peshkuar gia këto vota në Parlamentin shqiptar.

 

Të shiturit i kemi sheshit në Parlament, Ministēr, zahmet e keni të pranoni vetëm qokën e tyre. Kush shitet një herë, shitet përherë.

 

Ne, Partia Demokratike, nuk do të bëjmë asnjë lëshim. Po, në jemi pro Amnistisë Penale për dhjetëra arsye, por kushti që vumë këtë enjte për votimin e saj në Parlament, ishte i qartë dhe i artikuluar publikisht dhe me vendosmëri para shqiptarëve.

 

Asnjë thikë pas shpine Reformës në Drejtësi, sa të pritur nga shqiptarët për drejtësi dhe ndëshkim të shkatërruesve të demokracisë shqiptare.

 

Reforma nê Drejtësi u votua me konsensus të plotë të klasës politike dhe duhet mbrojtur po me atë lloj konsensusi të plotë!

 

Dhe ajo nuk mund të bëhet me huqet Çeçove që sillen si Çiçikovë, që blejnë shpirtëra “të shitur”, që deformojnë parimet substanciale të drmokracisë.

 

Sa për Partinë Demokratike, ajo do të ketë një vendim politik, në grup, të qartë dhe plotësisht transparent para shqiptarëve. Kushti:

 

Votimi i Kodit Zgjedhor:

 

Lista të hapura!

Veting i politikanëve!

Pjesmarrja é Diasporës në votime dhe në fatet é vendit!

Shqipëria një zonë e që siguron barazi të votës së shqiptarëve kudo!

 

Ne duhet të ndryshojmë menjëherë sistemin, sepse ai nuk do të lejojë peshkime kaq të hapura e të paskrupullta që bëni. Kjo politikë meriton të denoncohet, të refuzohet, të ndëshkohet me votë nga shqiptarët.

 

Ndryshimi i sistemit të zgjedhjeve parlamentare do të sjellë deputetë me integriteit që nuk mund të blihen e shiten aq lehtë, pra që do tē bëjnë ligje për shqiptarët, jo për luksin é tyre personal.

 

Të paktën, ky është kushti për votën time. Mund të mos vlejë, sepse është një votë, por kam detyrimin ta shpall atë para shqiptarëve.

 

Ndryshe, Çeçon e zënë të vjellat dhe ndot demokracinē. Dhe nuk është koha për sehir!

Me Shume
23 Feb
0

PD, kërkesë tjetër Gjykatës së Lartë për të zbardhur vendimin e datës 27 dhjetor 2023

 

Partia Demokratike përmes përfaqësuesit ligjor, Indrit Sefa, ka dorëzuar kërkesën e radhës ditën e sotme në Gjykatën e Lartë, ku kërkoi zbardhjen e vendimit në një kohë sa më të shpejtë, ndërkohë që ka kaluar 2 muaj nga vendimi i datës 27 dhjetor 2023, që vendosi të kthejë për rishqyrtim në Apel çështjen gjyqësore për “vulën” e Partisë Demokratike.

 

Zoti Sefa pati dhe një deklaratë për mediat para Gjykatës së Lartë, i cili u shpreh:

 

PD ka bërë kërkesën e tretë zyrtare depozituar gjykatës së lartë për zbardhjen e vendimit të datës 27, për t’i dhënë mundësi kësaj gjykate që të japë vendim për çështjen e PD. Po mbush praktikisht dy muaj dhe është jashtë afateve për shkeljen e vendimit. Ne duam që zgjidhja gjyqësore e PD të jetë përfundimtare dhe e shpejtë. Ne flasim zyrtarisht me gjykatën. Në datën 27 janar ishte kërkesa e parë. Do bëjmë kërkesa të vazhdueshme deri në zbardhjen e vendimit. Ky është detyrim që ka gjykata. Duhet të përshpejtohen procedurat. Ne duam që kjo çështje të zgjidhet sa më shpejt, që demokratët të jenë të qartë për ligjet drejtuese të organeve të PD-së.

 

 

Me Shume
23 Feb
0

Ligji i ri “Për Lojrat e Fatit”, Pampuri: Një tjetër nismë korruptive dhe klienteliste e qeverisë

 

DEKLARATË E PARTISË DEMOKRATIKE, NËNKRYETARJA DHE DEPUTETJA, ORIOLA PAMPURI

 

Ligji i ri “Për Lojrat e Fatit” është një tjetër nismë korruptike e klienteliste e kësaj qeverie.

Në harkun kohor prej 5 vitesh qasja e qeverisë pati një ndryshim rrënjësor ndaj “basteve sportive”, nga denigrimi si e keqja më e madhe nën të ashtuquajturën “fundi i marrëzisë” në vitin 2018, e ndërsa tani, i rikthen por duke parashikuar promovim mediatik dhe besnikërinë e klientëve.

Në mënyrë tinzare, për gati një vit qeveria e solli dhe e tërhoqi disa herë, por pa bërë asnjë reflektim substancial nga drafti i parë.

Ligji kaloi me nxitim në Kuvend javën që shkoi duke anashkaluar çdo lloji konsultimi me grupet e interesit dhe qytetarët.

Po ashtu nuk u mundësua asnjë lloji diskutimi e as debati parlamentar midis deputetëve, pavarësisht përkatësisë politike që të adresonin problematikat ekonomike- sociale që ky ligj krijon.

Në këto kushte, të pamundësimit të një debati përmbajtësor mbi këtë ligj tashmë të miratuar me arbitraritetin e kartonave por mbi të gjitha me mospërmbushjen e detyrimit të Kryetares së Kuvendit për të krijuar një mjedis të përshtatshëm debati ashtu sic është Parlamenti.

Mbeten së paku 5 çështje problematike që ky ligj do të krijojë:

1. Së pari ky ligj i ri nuk do të kufizojë përdorimin e lojërave të fatit nga moshat e reja. Edhe pse parashikohet se cdo individ përdorues duhet të jetë mbi 21 vjec, në fakt tashmë me një infrastrukturë që deri tani ka funksionuar në kushte jo ligjore, abuzuese, pavarësisht se online në thuajse cdo lagje të qyteteve të Shqipërisë, lehtësisht e aksesueshme për cdo moshë, sërisht këto pika do të vijojnë të bëhen ven frekuentimi i personave nën 21.
2. ⁠Mungesa e parashikimeve në ligj për të penguar këtë fenomen ekzistues, i cili do të vijojë të ushqejë informalitet dhe të bëhet rrezik për fëmijët, mund të krijojë një spirale varësie me dëme të parekuperueshme për shoqërinë.

Kështu ligji duhet të parashikonte gjurmimin e burimit e të ardhurave të transaksionit për cdo biletë që luhet nga bastet sportive online.

 

2. Së dyti, tavani taksues është jo në përputhje me shumicën e vendeve të BE. Kujtojmë që në Gjermani në varësi të landeve aplikohet një taksim nga 20 deri në 80% të ardhurave, si dhe një takse shtesë në nivelin lokal, deri në 20%. Ndërsa në rastin e Shqipërisë për bastet sportive do të aplikohet taksim 15% të ardhurave bruto, duke i hequr dhe masën prej 0.4% të xhiros për qëllime e programe të Ministrisë përkatëse të Sporteve.

3. Së treti sikundër në cdo legjislacion të vendeve të BE, por jo vetëm, nuk parashikohet asnjë lloj fondi i mbledhur nga një taksim i vecante mbi përgjegjësinë sociale. Duhet të kuptohet që ky lloj aktiviteti “argëtues” pavarësisht se mund të rregullohet me ligj, mund të sigurojë edhe të ardhura të majme buxhetit të shtetit, sërisht është ndër veprimtaritë “legale” e cila krijon më shumë varësi të parikuperueshme në grupmoshat më vulnerabël të popullatës dhe ka tendencë degjeneruese të dhunës në familje apo plagëve të tjera socio-ekonomike të shoqërisë tonë.

5. Së pesti, promovimi mediatik, përtej lirive të tregut dhe sipërmarrjes, mund të ketë një ndikim negativ dhe varësie tek moshat nën 21 vjec, të cilat do të jenë më të predispozuar të luajnë, nëpërmjet rrjetit tashmë të krijuar prej basteve fizike që operojnë në joligjshmëri ende sot.

Me Shume
22 Feb
0

Zëdhënësja e PD, Karabina: Socialistët në hall pas dënimit të McGonigal, përdorin vizitën e Blinken

 

Reagimi i zëdhënëses së PD, Mirela Karabina:

 

TURP!

Socialistët, në hall të madh me drejtësinë, vazhdojnë

të përdorin Sekretarin e Shtetit, Z. Blinken, për të justifikuar faktin që Edi Rama ka korruptuar ish-drejtuesin e FBI-së për të goditur nominalisht Lulzim Bashën dhe Partinë Demokratike që të mos vijnë në pushtet.

Goditje e rëndë ndaj demokracisë dhe pengim i rrotacionit politik!

 

Por fatmirësisht!

Drejtësia amerikane ka folur, ka dënuar McGonigal për lidhjet me Edi Ramën, ndërsa këta kërkojnë ta bëjnë pis dhe Sekretarin e Shtetit për të mbuluar aferat e tyre korruptive!

 

 

Me Shume
22 Feb
0

Kryetari i PD, Lulzim Basha, në Kuvendin Zgjedhor të degës nr 9 të PD, Tiranë

 

PJESË NGA FJALA E KRYETARIT TË PD, LULZIM BASHA, NË KUVENDIN ZGJEDHOR TË DEGËS SË PD, PASKUQAN

 

Ne jemi Partia Demokratike e Shqipërisë. Ne kemi qëndrime të qarta për drejtësinë dhe në mbështetje të drejtësisë. Po, mbështetje SPAK-ut për të hetuar pushtetarët e korruptuar dhe për t’i vendosur ata para ligjit. Jo, amnistisë për zyrtarët e korruptuar, po amnistisë për qytetarët e goditur në kufijtë dhe sgripset e pamundësive. Jo atyre të cilët kanë abuzur me pasuritë dhe pronat e shqiptarëve, po protestuesve që kanë protestuar për shtëpitë e tyre nga Bregu i Lumit këtu në zonën tuaj, deri në Astir. Nga Shkoza e anembanë Shqipërisë. Këto janë qëndrime të qarta dhe paekujvoke dhe t’i dëgjojnë të gjithë shqiptarët dhe ta kutpojnë se kush është në krahun e tyre dhe nuk ka frikë ta thotë, e kush mërmërit dhe i bën bisht përgjigjeve sepse i shërben interesave të ngushta personale.

 

Përballja me të keqen që ka zënë vendin, përballja me Edi Ramën dhe qeverinë e tij kërkon kurajo, kërkon qartësi, kërkon vendosmëri. Ndaj jemi këtu për t’i thënë Po vetingut të politikanëve, kontrollit të figurës të tyre dhe lidhjeve të papërshtatshme dhe pasurisë së tyre dhe nxjerrjemn jashtë politikës të çdokujt që nuk e kalon testin e vetingut të politikanëve. Jemi këtu për t’i thënë jo imunitetit të deputetëve. Deputetët e Shqipërisë njësoj si qytetarët e Shqipërisë duhet të zhvishen nga imuniteti dhe të dalin para ligjit sa herë që e lyp drejtësia, si çdo qytetar tjetër i Republikës së Shqipërisë.

 

Ne kemi qëndrime të qarta dhe të prera. Po listave të hapura, në mënyrë që ata që shqiptarët dëshirojnë t’i kenë në parlament dhe i votojnë t’i kenë në parlament, të jenë në parlament. Dhe jo listat e caktuara nga kryetarët e partive sipas pakteve që i kushtuan shqiptarëve ndryshimet famëkeqe të 2008-ës me anë të së cilës u asgjësua e drejta e qytetarëve për të çuar drejtpërsëdrejti dhe për të marrë dhe për të dhënë llogari tek përfaqësuesit e tyre në Kuvendin e Shqipërisë.

 

 

 

Me Shume
22 Feb
0

Amnistia penale, PD, Kthupi: Nëse quhet pazar të falen protestuesit e PD, atëherë Po. Nuk do pranojmë kurrë faljen e të korruptuarve

 

Postimi i përfaqësuesit ligjor të PD, Rezart Kthupi:

 

Nëse është pazar të kërkosh falje për protestuesit e PD, për ata qytetarë qê u proçeduan penalisht se mbrojtên shtëpitë dhe pronat e tyre, atehere PO. PD i qêndron dhe do të kerkojë me force të pêrfshihet në amnisti kjo kategori.

Por PD nuk do të pranojê për asnjë çast tê japë votën për të falur zyrtarë të korruptuar apo ndonjë deputet që pas dështimit të amnistisë së tij sot bën moral duke sulmuar ata që ishin kundër këtij projekti kriminal që kërkonte të minonte luftën e institucioneve të drejtësisë kundër korrupsionit.

Me Shume
22 Feb
0

Deklarata e kryetarit të Partisë Demokratike, Lulzim Basha, në konferencën me gazetarët

 

DEKLARATA E KRYETARIT TË PARTISË DEMOKRATIKE, LULZIM BASHA, NË KONFERENCËN ME GAZETARËT

 

Edhe kjo eenjte ka kaluar me skenarin e zakonshëm të votimit të të gjithë akteve qeveritare për 8 minuta, i afrohet rekordeve të mëparshme dhe bllokimit të çdo hapësire për opozitën për të bërë detyrën e vet në parlament në raport me transparencën, në raport me kërkimin e llogarisë dhe gozhdimin e abuzimeve qeveritare me të drejtat dhe pasuritë e shqiptarëve dhe me të vërtetën. Duke u ndalur tek kjo e fundit, menjëherë pasi seanca përfundoi, dëgjuam një deklarim të përfaqësuesve të qeverisë në raport me arsyen se pse u tërhoq amnistia nga rendi I ditës. Shpresoj që të ketë qenë pjesë e gënjeshtrave që kanë këputur këto 2 dytë dhe që nuk do ta shndërojnë këtë amnisti në një pazar të gjësë së gjallë, për të peshkuar vota deputetësh dhe të për të kaluar në këtë mënyrë një akt tjetër korruptiv, abuziv, me pasoja për rendin dhe sigurinë dhe besimin e qytetarëve tek drejtësia. Por nës me të vërtetë duan, kanë reflektuar dhe duan të kenë një përqasje konsensuale ndaj anës humanitare të amnistisë, atëherë rruga është fare e thjesht. Së pari, hapi parë është heqja dorë nga propozimet që tinëzisht u futën ditën e fuindit për të përfituar zyrtarët e korruptuar, gjë që sot u mohuan në mënyrë të pacipë. Dhe së dyti, të bëjnë pjesë të amnistisë, sipas kërkesës së opozitës të gjithë ata që janë goditur dhe vazhdojnë të mbahen dhe zvarriten gjyqeve e hetimeve sepse u ngritën për të mbrojtur pronat e tyre nga korrupsioni. Si protestuesit e Astirit, Bregut të Lumit, të Shkozës dhe anë e mbanë Shqipërisë, apo u ngritën në protesta politike kundër manipulimit të zgjedhjeve, korrupsionit qeveritar. Kjo është një kërkesëe Partisë Demokratike, nuk është një kërkesë negocim, nuk është e negociueshme. Ne e shohim këtë si një pjesë të domosdoshme dhe integrale të amnistisë nga e cila duhet të përfitojnë ehde këta protestues. Ndaj nga kjo nuk ka asnjë tërheqje, sigurisht këtë duhet ta marrin parasysh ata që aktualisht kanë shumicën e votave në parlament. Pork y është qëndrimi ynë dhe është i pandryshueshëm. Ndërsa sa I takon pjesës së parë, për hir të transparencësm dua të përsëris atë që ekspertët tanë e kanë bërë të qartë, dua që ta ketë të qartë dhe publiku, ta kenë të qartë qytetarët, ta kenë të qartë përfaqësuesit e medias, megjithëse transparenca nga ana jonë nuk ka munguar, por manipulimi ka vazhduar sot në oborrin e Kuvendit. Do ishte mirë që sa herë të ketë tentative të tilla, të gjithë, secili nga pozitat e veta, ne nga pozitat e opoztës dhe ju nga pozita e medias të jeni në gjendje që përmes zotërimit të fakteve të veni para përgjegjësisë gënjeshtarët e vërtetë.

 

Tani unë kam këtu dy dokumente të cilat do t’i kaloj shkurtimisht, që mos t’i lodhim njerëzit me detaje. Dokumenti i parë është version të cilin ministri i Drejtësisë ka pretenduar se e konsultoi me SPAK-un, me GJKKO, me KLGJ, me KLP dhe këtu qartësisht neni 5, kriteret për përfitimin e amnistisë nga zbritja e dënimit, kanë një përjashtim, pika c. Që thotë: përjashtohen personat e dënuar, akuzat penale ndaj të cilëve janë gjykuar nga gjykata kundër korrupsionit dhe krimit të organizuar, sipas përcaktimeve të nenit 75/a të kodit të procedurës penale. Cilat janë këto vepra nga të cilat nuk ka përfitim sipas versionit të parë të vet qeverisë. “Korrupsioniaktiv I personave që ushtrojnë funksione publike”. Neni 244 në vijim, “Korrupsioni aktiv i nënpunësve të huaj publik, korrupsioni aktov I funksionarëve të lartë shtetëror ose të zgjedhurve vendor, ushtrimi i ndikimit të paligjshëm ndaj personave që ushtrojnë funksione publike, shpërdorimi i detyrës për funksionarët e lartë publilk, përfitimi i paligjshëm i interesave, shkelja e barazisë të pjesëmarrjes në tendera apo në ankande publike, korrupsioni pasiv I personave që ushtrojnë funksione publike. Korrupsioni pasiv i nënpunësve të huaj publik, korrupsioni pasiv i funksionarëve të lartë shtetëror ose I të zgjedhurve vendor, korrupsionit aktiv i dëshmitarit, ekspertit apo përkthyesit, korrupsioni aktiv i prokurorit dhe I funksionarëve të tjerë të drejtësisë, korrupsioni aktiv I gjyqtarit ose zyrtarit të gjykatave ndërkombëtare, korrupsioni aktiv i arbitrit vendas dhe të huaj, korrupsioni aktiv i aëtarëve të jurive gjyqsore të huaja, korrupsioni pasiv I gjyqtarëve, prokurorëve dhe funksionarëve të tjerë të organeve të drejtësisë, korrupsioni pasiv I zyrtarit ose I gjyqtarit të gjykatave ndërkombëtare, korrupsioni pasiv I arbitrit vendas dhe të huaj, korrupsioni pasiv I anëtarëve të jurive gjyqsore të huaja, korrupsioni aktiv në zgjedhje neni 328, përdorimi i funksionit public për veprimtari politike ose zgjedhore 328/a, dhe akuzat penale kundër politikanëve më të lartë, përfaqësuesve më të lartë në vend nga presidenti I Republikës te kryetari I Kuvendit, nga kryeministri te anëtari I Këshillit të Ministrave, nga gjyqtarët e Gjykatës Kushtetuese, të Gjykatës së Lartë, të Prokurorit të Përgjithshëm, inspektori I lartë I drejtësisë, kryetari I bashkisë, deputeti, zëvendës ministri, anëtari i këshillit të lartë gjyqësor dhe të këshillit të lartë të prokurorisë, drejtues të institucioneve qendrore ose të pavarura të përcaktuara në kushtetutë ose në ligj.

 

Për të gjithë këta persona, version I parë ishte që nuk do të përfitojnë nga amnistia. Versioni i dytë, personat që bien në këtë kategori të dënuarish përfitojnë 1 vit për meshkujt dhe 1.5 vite për femrat. Ja pra që ka një ndryshim thelbësor dhe mbi të gjitha të bërë në mënyrë tinëzare. Të futur në çastin e fundit me qëllim që një numër i madh funksionarësh publik të cilët kanë kryer këto vepra, janë dënuar për këto vepra, të përfitojnë nga amnistia. Padiskutim që ne jemi të gatshëm t’i japim fund kësaj shfaqje të shëmtuar, sapo ata që e bën këtë shfaqje të shëmtuar të jenë të gatshëm gjithashtu. Dhe ka me të vërtetë qindra të dënuar, burra, gra të cilët nuk hynë në këtë kategori, të cilët sot meritonin të merrnin lajmin e mirë. Ata që nuk e mundësuan këtë lajm, është qeveria, është kryeministri të cilët nuk duan një amnisti në kuptimin më humantiar të fjalës dhe sipas praktikave më të mira të amnistisë. Por duan ta përdorin këtë amnisti për përfitimin e zyrtarëve të korruptuar, të dënuar nga Gjykata kundër Korrupsionit dhe Krimit të Organizuar. Kjo është dyfish e papranueshme për ne. E para është e papranushme që nga njëra anë amnistia të përdoret për të liruar apo për të lehtësuar dënimin e zyrtarëve të korruptuar. Ndërkohë viktimat e këtij korrupsioni, ata që u ngritën për të mbrojtur shtëpitë e tyre, familjet e tyre, nuk përfitojnë nga amnistia dhe e kam fjalën për protestuesit. Në rafsh tjetër, është e papranushme për ne qëtë dënuarit nga GJKKO-ja të lirohen nga qeveria. Mesazhi i kësaj është që sado të përpiqet drejtësia e reformuar, sado që përpiqet SPAK, BKH, GJKKO, ju dënoni ne lirojmë. Ky është një mesazh i papranueshëm I shumicës dërrmuese të qytetarëe shqiptarë, ky është një mesazh I papranueshëm për Partinë Demokratike, ky është rënim, minim i reformës në drejtësi. Dhe siç e kam thënë edhe dje, dua ta përsëris që nuk është akt I izoluar. Shfryrjet e kryeministrit kundër BKH-së që po shqëtësoka apo prishka terrezinë e qeveritarëve në një intervistë të dhënë në një të përjavshme shqiptare, sinjalet e qarta për të ndërtuar mekanizma të ashtuquajtura kontrolle parlamentare për SPAK-un, tregojnë se Edi Rama dhe zyrtarët e tij I tremben drejtësisë. Dhe kjo nuk çudit askënd, më së paku Partinë Demokratike. Fakti që ata i tremben drejtësië është një lajm i mirë për shqiptarët. Është një lajm jo i keq edhe për reformën në drejtësi. Por që institucionet e shtetit, që procese të natyrës humanitare si amnistia të përdoren nga njëra anë për të lehtësuar nga dënimi zyrtarët e korruptuar dhe nga ana tjetër për t’i vënë shkopinj nën rota reformës në drejtësi, bashkë me aktet e tjera që përmenda më sipër, kjo është totalisht e papranueshme. Prandaj dua ta them qartë dhe prerë. Nëse ka reflektim, ky reflektim nuk mund të ndodh në kulisat e pazareve për të peshkuar deputetë që të votohet lehtësimi nga dënimi i zyrtarëve të dënuar për korrupsion dhe të goditet produkti I reformës në drejtësi, të goditet SPAK, të goditet GJKKO. Diçka e tillë përbën një kënbanë alarmi, është një flamur i kuq paralajmërimi që kjoqeveri dhe ky kryeministër nuk kanë synim tjetër përveçse të mbysin, të asfiksojnë apo të vendosin nën kontroll institucionet e drejtësisë për shkak se ndihen të kërcënuara nga fillimi I fundit të pandëshkueshmërisë. Për ne ky është prioritet absolut. Dhe nuk është prioritet politik, është prioritet kombëtar. Asgjë në këtë vend nuk do të ecë për së mbari në qoftë se në këtë vend pas 34 vitesh prap vazhdojmë të kemi 2 Shqipëri. 1 Shqipëri që merret, arrestohet, burgoset, gjobitet, me të drejt apo me të padrejtë dhe një Shqipëri tjetër të vogël të shkëputur nga realiteti i shumicës së Shqiptarëve që edhe kur kapen me vjedhje qindra milionëshe, i shpëtojnë drejtësisë, ose në rastet që nuk i shpëtojnë drejtësisë dhe dënohen, përfitojnë nga zemërgjerësia e bashkëpunëtorëve të tyre, për të cituar ish zëvendëskryeministrin. Ndaj rruga për të mos zvarritur amnistinë, pë rata që pretendojnë që kanë zemrat e dhembshura të atyre të burgosurve që sot prisnin lajmin e mirë, është që të heqin dorë nga përpjekjet për të bërë shantazh GJKKO-së dhe SPAK-ut, përmes mesazhit ju dënoni ne lirojmë, pra heqjen dorë nga amnistimi i zyrtarëve të korruptuar. Versioni fillestar I qeverisë, së bashku me amendamentet e PD për protestuesit është rruga për të ecur përpara në një mënyrë transparente dhe llogaridhënëse para shqiptarëve. Përpjekjet e tjera për të peshkuar deputetë, sigurisht që do të kenë përballjen më të fuqishme nga ana jonë. Asnjë emër deputeti që I thotë vetes deputet i opozitës, por që mendon apo tenton të bashkojë votat me Edi Ramën për të liruar zyrtarët e korruptuar, nuk do të gjej qetësi dhe do të zhbirilohet publikisht dhe politikisht për çfarëdo motivi që e shtyn të bashkojë votat për lehtësimin e dënimit të zyrtarëve të korruptuar, të dënuar nga Gjykata Kundër Krimit të Organizuar dhe Korrupsionit. Kjo sa I takon këtij akti.

 

Dy aktet e tjera që kanë kaluar sot. Akti për futjen e duarve tek zonat e mbrojtura, është një akt shumë I rëndë, është një akt që cenon qendrueshmërinë afatgjate të ambientit, të trashëgimisë kulturore, të kulturës shqiptare. Padiskutim është një akt I bërë tinëzarisht për t’i shërbyer interesave të caktuara oligarkiko-politike. Se dihet tashmë që oligarkët shqiptarë janë të lidhur me majat e politikës shqiptare të qeverisë aktuale. Ka nga ata që mendojnë që kjo duhet të shkojë në Gjykatën Kushtetuese, edhe mund të shkojë në Gjykatën Kushtetuese. Unë sot kam një zotim publik: Që në momentin e parë të mundshëm, PD në pushtet do ta shfuqizojë këtë ligj dhe do t’i nënshtrojë praktikat, do të nënshtrojë subjektet që përfitojnë nga ky ligj praktikave më të avancuara të ligjit anti-mafia. Po e përsëris dhe njëherë, për të gjithë investitorët potencial që kanë fërkuar duart sot me kalimin e këtij ligji, PD nesër në pushtet do të shfuqizojë ligjin dhe do të nënshtrojë çdo investitor që përfiton nga ky ligj, do ta nënshtrojë me një hetim me metodat më të avancuara anti-mafie, pastrimit të parave dhe të praktikës ndiq paranë për investime të tilla potenciale, që shpresoj nuk do të knë guximin t’i kryejnë, por dhe në tërrësi praktikat e tyre të biznesit. Qartësisht ky është një kërcënim I hapur për këdo që mendon që duke përfituar nga papërgjegjshmëria kriminale e kësaj qeverie do të përfitojë duke shkatërruar dhe zaptuar hapësirat tona të trashëgimisë kulturore dhe të mrekullive të ambientit shqiptar. Kështu që le ta them fare qartë, është një kërcënim të ciën me ndihmën e Zotit dhe të votuesve shqiptarë do ta bëjmë realitet në momentin më të parë të mundshëm.

 

Sa I takon aktit tjetër, asgjë nuk ka ndryshuar në qëndrimin tonë. Shqetësimi ynë në kampet e refugjatëve të paligjshëm në Shqipëri, është t’i varësh ujkut mëlçitë në qafë. Shqipëria pot ë lexosh të gjitha raportet është një vend me një problematikë të theksuar të shtetit të së drejtës, të korrupsionit të zyrtarëve të lartë, është një shtet faktikisht i kapur në kuptimin shkencor të fjalës, është një shtet me problem të jashtëzakonshme të trafikut të qenieve njerëzore dhe të trafiqeve të tjera që përfshin trafikun e narkotikëve. Dhe të sjellësh këtu kontigjente të tilla, të gatshme për t’u përdorur nga organizata kombëtare rajonale dhe ndërkombëtare të krimit të organizuar, është t’i varësh ujkut mëlçinë. Nga pikpamja e intersit tonë kombëtar, është një akt potencialisht destabilizues për Shqipërinë dhe për rajonet ku ndodhen këto qendra. Ne kemi një mirëkuptim të plotë për gjendjen e emergjencës me të cilën përballet fqinji ynë. Ne mendojmë se në mënyrë të padrejtë ata përballen në forma joproporcionale me një problem që është I gjithë Europës. Ky problem nuk zgjidhet duke trajtuar simptomat e aq më pak duke bërë eksperimente si ky në Shqipëri, sepse mund dhe do t’iu kthehet kundër. Thirrja jonë është që BE dhe vendet aspirante, vendet candidate siç është Shqipëria do të jenë pjesë e një strategjie afatgjatë. Sepse numri I emigrantëve që do të vijnë nga afrika nuk do të paksohet por vetëm do të shtohet. Dhe zgjidhjet nuk janë që të hapim më shumë kampe në Shqipëri, apo në vende të tjera të Ballkanit Perëndimor. Zgjidhjet afatgjata nuk janë zgjidhje që trajtojnë simptomat, por janë zgjidhje që trajtojnë vet shkaqet. Shkaqet duhen trajtuar me themel, përndryshe numri i emigrantëvem në veçanti i emigrantëve afrikan që do të synojnë brigjet e Europës për një jetë më të mirë, do të dyfishohet, trefishohet dhe dhjetëfishohet në vitet e ardhshme. Dhe nuk ka kryeministër të papërgjegjshëm ballkanik që ta ndihmëojë këtë situatë duke hapur këto kampe në Ballkan apo në Shqipëri siç po kërkon të hapi Edi Rama. Sepse kjo siç ju thashë, jo vetëm nuk do të na ndihmëojë por do të çojë në një rritje të faturës të organeve ligjzbatuse për të gjurmuar, për të vënë para drejtësisë, për të korrigjuar dëmet e tmerrshme që do të sjell dhenia e një kontigjenti kaq të madh emigrantësh të paligjshëm, në dispozicion të mafies kombëtare, rajonale dhe ndërkombëtare të trafikut të qenieve njerëzore dhe të narkotikëve. Kështu që në këtë aspect, me të gjithë respektin dhe dashurinë e madhe për Italinë, me gjithë konsideratën për qeverinë aktuale italiane, ju them i keni bërë hesapet gabim. Kjo është një rrugë e shkurtër nga e cila jo vetëm që nuk do përfitoni gjë, por do ju dalë shumë më gjatë dhe për këtë mjafton të konsultoheni dh një herë me autoritetet tuaja anti-mafia sa I takon trafikut të qenieve njerëzore, narkotrafikut dhe problemeve të tjera dhe faturës që kjo ka për taksapaguesit Italian dhe për taksapaguesit europian. Investimi më i mirë në Shqipëri është investimi te shteti I së drejtës, te funksionalizimi iinstitucioneve shqiptare, tek ndihma për prokurorinë shqiptare, një pjesë të madhe të ndihmës po e jepni tashmë edhe përmes njësive të përbashkëta midis SPAK-ut dhe Prokurorisë anti-mafia në Itali. Pork jo nuk është koha dhe ky nuk është vendi për të depozituar një numër kaq të madh emigrantësh të paligjshëm të cilët potencialisht mund të përbëjnë një batër të re të krimit të organizuar dhe një vatër të re të rendit, të ligjit, të financave dhe problemeve politike për Italinë dhe për të gjithë Europën.

 

 

Data: 22.02.2024

Me Shume