Kandidati Gjergji Mero nënshkroi kontratën sociale me shoqërinë civile për premtimet që lidhen me zhvillimin dhe fuqizimin social të rinisë. Kontrata është një projekt i shoqërisë civile mbështetur nga Ambasada suedeze , e cila synon të monitorojë premtimet e të dy kandidatëve Mero dhe Filo ndaj rinisë së qytetit. Premtimet lidhen me infrastrukturën, ku problem serioz është parkimi, kinemaja e munguar, ngrohja në shkolla, biblioteka qëndrore, karta e studentit, biznesi social, rritja e transparencës me qytetarët për fondet publike dhe përfshirja e më shumë të rinjve në investimet e bashkisë. Këto 10 prioritete janë përcaktuar nga vetë të rinjtë si interesat më të rëndësishme për përmirësimin e jetës së tyre.
Kandidati Gjergj Mero, duke vlerësuar shoqërinë civile si një strukturë të rëndësishme në vizionin e tij për të drejtuar bashkinë tha projektet për një jetë më të mirë dhe me shpresë për të rinjtë janë prioritet i programit. Njëherësh ai tha se nënshkrimi i kësaj kontrate sociale, do të thotë se me drejtimin e Bashkisë ai do të japë llogari publike për çdo pikë të programit. Kandidati Mero është ndër të parët kandidatë që programin e tij e ka publikuar në faqen e tij në facebook për ballafaqim me publikun.
“Çdo investim dhe shpenzim fondesh publike do të jetë në transparencë të plotë me publikun, mediat klasike e website-t e bashkisë si dhe në konsulencë me çdo grup interesi. Kontrata sociale është pjesë e një filozofie thelbësore të vendeve me demokraci të konsoliduara dhe me pushtet lokal të pavarur. Ndërkohë kandidati Mero në një forum civil me prezencën dhe të kandidatit Filo prezantuan prioritetet e programeve sipas sektorëve të zhvillimit.
Njoftim për shtyp i Partisë Demokratike, 8 Qershor 2015