Basha pret Thaçin, shpreh besim në rrugën e integrimit europian të Kosovës

Kryetari i Partisë Demokratike, Lulzim Basha priti sot në takim zv/Kryeministrin dhe Ministrin e Jashtëm të Kosovës, Hashim Thaçi.

Duke i uruar suksese qeverisë së re të Kosovës, z. Basha përshëndeti marreveshjen për bashkqeverisje të arritur ndërmjet Partisë Demokratike të Kosovës dhe Lidhjes Demokratike të Kosovës.

Z. Basha shprehu besimin se ndërtimi i qeverisë me bazë të gjërë do t’i shërbejë më së miri interesave të qytetarëve të Kosovës, ndërmarrjes së reformave të rendësishme për përshpejtimin e procesit të integrimit Europian dhe liberalizimit të vizave, njohjes së mëtejshme ndërkombëtare të Kosovës dhe antarësimit në organizatat ndërkombetare; si dhe forcimit të bashkëpunimit dhe stabilitetit rajonal duke vijuar dialogun ndërmjet Kosovës dhe Serbisë për normalizimin e marrdhënieve ndërmjet të dy vendeve.

Z. Basha rikonfirmoi mbështetjen e fuqishme që Partia Demokratike do të vazhdojë japë për të gjitha nismat dhe hapat që forcojnë në mënyrë konkrete dhe të matshme bashkëpunimin mes Shqipërsië dhe Kosovës dhe sjellin përfitime të prekshme për qytetarët tanë.